وقعت في فخ ادمان المراهنات بس مش اللي انت متعود عليه

يعتذر لو بتكلم كتير عن العلاقات بس دا اللي شغال بالي حاليا وحاسس بإحساس بالوحده ( الرومانسيه لانه أنا عندي القدرة اني اعمل صحاب بسهولة نوعا ما) أنا علي كذا ابلكيشن تعارف و بقالي داخل في كذا سنة بدخل في الكثير والكثير من ال situationships وكلها مش زعلان أنها خلصت أو أنها موصلتش لحتى لانها كلها مكنتش مناسبة. في حاجات خلصت من ناحيتي وفي حاجات من ناحيتها وفي حاجات اتفقنا أننا مش مناسبين لبعض. الفكرة أنه بيخلص بدري اوى يعني قبل أو ديت أو بعدها بواحد أو اتنين. الفكرة اني مليش في اوى فى ال casual dating. أنا بشتغل دكتور في أول حياتي ومعنديش وقت انزل علي أرض الواقع اعمل انشطه اقابل فيها حد صدفة. أنا لاقي وقت انام بالعافيه. طيب ايه نوع المراهنه. هي اني أراهن أنه المرة الجاية هتضبط. البنت دى شكلها كيوت ودمها خفيف وذكية فتعالي نجرب. وافضل اراهن أن الجاية هتضيط. الفكرة اني مع كل رهان جزء من مجهودي بيروح. ومع الوقت هوصل لمرحلة اني مش هتبقي عايز واتجاهل الموضوع بشكل غير صحي. فانا بعتذر مقدما لو كلامي مغلبط بس أنا بعتبر هنا جزء من ال therapy بتاعي وشكرا انك جزء من الرحلة يا صديقي/ صديقتي