انا مش هعمل خير تانى
جيت اركب الميكروباص النهاردة لقيت محفظة واقعة وجنبى راجل كبير فا بقوله محفظتك دى يحج قالى اه يبنى و قعد يدعيلى شوية بعدها قام مطلع البطاقة وقالى بص انا اهو قولتله مصدقك يحج والله مش محتاجة وقعد يرغى معايا حوالى تلت ساعة وانا باصص على ايده عشان بيتكلم بيها وشوية ويفقعلى عينى قالى دا انا عندى شقة عايز ابيعها وان ابنه كان فى هندسة بعد كدا حول فنية عسكرية وكل ما يقول حاجة يقولى ثانية والاقيه بيفتح الشنطة ويطلع كارنيه مثلا او ورقة ويقولى بالتفاصيل ، دا انا عرفت اسم ابنه بالكامل بس المشكلة ان كل دا انا بسمع نص الكلام و النص التانى بضحك واقول اه اه مممم وكدا فا قالى حاجة وانا مسمعتش وفاشخ بوقى بعدها جمعت ان قالى ان مراته الله يرحمها فا قومت م lock in على طول وقعدت اواسيه وبعدها لقيته فتح الموبايل وسكت فا قولت الحمد لله اخيرا ، طلع كان بيدور على صورة ابنه عشان يوريهانى ولما قلب الصور لقى صورة مراته وقعد يدمع ويكلمنى عنها وانا ماسك نفسى من غرابة الموقف وبحاول اواسيه
بس والله راجل طيب ربنا يديله الصحة ويصبره
Posted Aug 10, 2026, 4:16 PM UTC