صاحبنا ده جالي امبارح نص الليل دفع ١٠٠ج و اشترى ب١٠ج مسامير 

قبل ما ياخد الباقي طلب مفك دقيقة يربط مسامير في العربية برة و انا رفضت لانه ممنوع نخرج عدة برة المحل بالذات و الساعة ١٢ و انا هقفل خلاص قالي " ياعم هو انا هسرقه؟؟" كده بصوت عالي، اديته المفك الي بشتغل بيه صغير على قد المسامير شاور على واحد تاني كبير بنستعمله للشغل التقيل شوية بنبيعه جديد بحوالي ٥٠ ل٦٠ج المهم قالي ياعم لو كده خلي الباقي لحد ما اجي و خد المفك الكبير و انا قلتله المفك ده باغلى من الباقي

كان في زبون تاني انشغلت معاه و لما خلصت لقيت العربية اختفت بصيت يمكن اتحرك بيها شوية مالقيتهاش راجعت الكاميرات لقيته اول ما خرج ركب العربية و جري بالمفك و ساب باقي ال١٠٠ج

انا قعدت متنح في الكاميرا قلت هو غبي ولا بجد؟ و قلت يمكن هيعمل حاجة في بيته بالمفك و يجيبه تاني يوم لكن مجاش تاني صاحب الشغل سأل على المفك قلتله الي حصل في العادي كان هيزعقلي علشان خرجت عدة برا بس لما سمع هو كمان استغرب و قال لو مجاش طلع واحد جديد و خلاص 😂😂

الحرامي العبيط