احس بانهيار بموت

بلكت اقرب صديقه لي لنه الوضع صار سيء مره لدرجة ياثر فيني ، طول الوقت سلبيه و طول الوقت انا زعلانه راضيني و مدري ايش واهتمي و انتي انانيه ما تهتمين الا في نفسك ما تجين عشاني ، وكل هذا في جهة و سالفه مشاكل اهلها وتعنيف و تجاهل واشياء مجنونه في جهة حتى برا البيت ما تطلع وتقعد بشهور ما تشوف الشمس او حتى ما تستخدم صوتها لايام ، وكانت تبعد صديقاتها عنها بنفسها! واقول لها لا تسوين كذا ترا ينفعونك بعدين الصديقات وفوقها انا ما ادوم لك (لنه من اول احس بسوي خطوت البلوك)

وبعض الاحيان اقول سوالف وانا متحمسه او بقول لها خبر وهي تجي تسد نفسي بشكل وبعدها ترجع تتكلم معاي طبيعي جدا كنه مافي اي شي ومقدر اتقبلها واغصب نفسي لين ما وصلت لذي الحاله اني مقدر اتقبلها او اني حتى اجي اسولف معاها

المهمممممم جت تترجاني ارجع لها في التل وقمت مسحت حسابي وبعدها راحت ارسلت لمي انستا!!!!!
وامي ما تبغا ترد عليها لنه تقول تحزني على العيشه الي هي عايشه فيها (زي الي تقول اعطيها فرصه)

واحس نقطه و بموت من الكتمه لنه حتى انا مو سهل عليه ابلكها بس خلاص نفسيتي تموت منها ، وحتى لو فكرت ارجع اراسلها ما احس اني متقبله ارسل لها واسولف

ترا اعطيتها فرصه وقالت تم وبعدها بساعات وباقي ما تكلمنا وولا شي قامت قالت احس متضايقه ،وهي عارفه وشايفه في السناب اني مع اهلي في مزرعه منبسطه وكذا وتجين تقولين كذا!

وفيه سالفه بس طويله انه حتى صديقتها الي تعرفها من الابتدائي تركتها عشان تعرفت عليها!، وصديقتها الي من الابتدائي اصلا وحده من صديقاتي المقربات وصار الوضع غبي بس قلت مالي دخل فيهم

المهم ياجماعه احس بتوفى بموت.