مقهور

عندي اخوان توأم وانا في عائلة وضعها المادي مش ولا بد وانا وضعي احسن بس هم وضعهم سيء بأيدهم اللي عمره ٢٠ بدوش يشتغل تقول احنا مليونيرية والتوأم عمرهم ١٧ بشتغلو و على الدخان وانحكا معهم بالكويس والضرب والطرد وكله عل فاضي امي قلبها بحن عليهم وبرجعو البيت والعجلة تدور ... كنت طالع اشتري ملابس رجعت لقيتهم لابسين ملابسي الثلاث لأنه في حفلة تخرج لحد قريب منا وهم عارفين انه انا ما بسمح لحد يلبس ملابسي بس استغلو اني برا الدار وانا انحرق دمي وموسخينهم ومطبعين البنطال ببقع وصرت احكي مع حالي بعد ما خلصت بهدلة الهم و ادعي عليهم من جوا بس ما حكيتها بلساني

التوأم راحو مشان الدخان بعد ما رجعو. من الحفلة ورجعو البيت ٣ الفجر ، طردتهم وقلتلهم ترجعو البيت مع ابوكم هو بتفاهم معكم ( الوالد بشتغل بالليل ) والوقت كنت بدعي عليهم من جوا ككل مش بس التوأم كان بعد ما طردتهم فش ساعة وراجعين ومضروبين في حدا ضاربهم بحكو ناس كانو معهم في المدرسة

انهم يعطو اسم ، بقلهم مكان في كاميرا بحكو ترابية وفش كاميرا مش ماخذ منهم صافي بالمرة وبحكولي احنا كمان ما قصرنا فيهم ، انا خواني. عارفهم شخصيتهم ضعيفة ما راح يجو بحدا هم بس عبيد دخان ... خلاصة الكلام حاس بالذنب كنت ادعي عليهم من جوا فش اكمن دقيقة ولا هم جايين متأذين بس بعرف انه الدعوة اذا ما انلفظت وما تحرك فيها اللسان ما تنحسب وغير هيك دعيت الله لا يسامح مش انهم يتاذو ( والسبب كيف بستحلو اغراضي وانا مش موجود وهاي كلها تدخل في الحرام والسرقة ( واصلا كانو بسرقو سرقة مصاري قبل بس هسا بختصرو ( لسا بسرقو الوالد واي حدا بتصير الهم فرصة معه ) بس الأب والأم تعرفو قلبهم كيف .. اما انا بختصروني لانه بكسرهم وبقلب الدار عليهم بموضوع المصاري بس الملابس بكتفي بالبهدلة ما بمد ايدي لانه مش منطق امد ايدي على اخوي مشان ملابس المفروض انه بكون بدعمهم بس هذول ناس وضعهم هيك بأيدهم ما عندهم ملابس ولا حتى اشي يلبسوه برجلهم

التوأم بشتغلو وبصرفو دخان وابو ٢٠ سنة بدوش يشتغل اروح انا اعطي تعبي لهيك اشكال ؟ ما بقدر اعيش حياتهم عنهم برضو كل واحد بختار وضعه بيده