معايا فلوس مش عارف اعمل بيها ايه⁉️
معايا 150 الف جنيه تقريبا كنت شغال بره مصر ونزلت من وقت ما نزلت وانا بصرف من غير دخل. طبيعي ناوي اتعلم الماني واسافر و في نفس الوقت هشتري لاب توب اتعلم اي مهاره اجيب منها فلوس زي ايديت فيديوز وجرافك وكدا
انا حاليا متفرغ كليا و هدفي اتعلم الاتنين دول عشان اسافر و اجيب اي مصدر دخل جانبي يعوض شويه
المشكله كل اهلي و الناس الي حواليا وخصوصا اهلي ضغطين عليا في حوار ان لازم اشتغل ومينفعش اقعد كدا فاضي و ان انا بصرف الفلوس الي هيا مش كتير اصلا علي الفاضي و فاشل وبيضع كل حاجه
لدرجة ان انا شكيت في القرار وبقيت محبط حتي مش عارف ابدا
خصوصا نظرت الفشل الي الكل بيبصلك بيها معرفش هما مالهم اصلا خصوصا عشان عندي 21 سنه و مدخلتش جامعة
بفكر اروح اقعد في القاهرة بس كدا هصرف اكتر بكتير وهضطر اشتغل ودا هي طول المده يعني لو كنت هتعلم في شهر هتعلم في اربعه خمسه
مش عارف اعمل اي استحمل ولا امشي وهل القرار دا صح اصلا ولا لأ وياريت لو حد عنده نصيحه ادخل مجال ايه يجب فلوس اكون شاكر جداً
Posted Aug 12, 2026, 10:52 AM UTC