هو ده تعلق مرضي ولا إيه؟

يا جماعة محتاج نصيحة من حد مر بحاجة شبه دي كان فيه بنت معايا كنت معجب بيها وشايفها تنفع تكون زوجة ومناسبة ليا جدا لما روحت كلمتها قالتلي الموضوع مش في ايدي وروح كلم والدي ولما روحت كلمته مقفلش الباب اوي بس اتكلم في فرق المستوى المادي وقال لو حققت الحاجات اللي طالبها يبقى الباب مفتوح المشكلة اني قولت خلاص هنساها واشوف حياتي بس مش قادر خالص مع اننا متكلمناش سوا قبل كده ولا نعرف بعض غير اننا مجرد زمايل بس وحتى البنت دي بقيت مش معاها في الشغل وأنا نقلت مكان تاني خالص وبرضه الوضع زي ما هو دلوقتي كل ما امشي في أي حتة بحس اني بتخايلها وبشوفها لدرجة اني شاكك ان الموضوع ده بقى تعلق مرضي ومش منطقي خالص لأني اصلاً معرفهاش كويس علشان يحصل معايا كل ده مش عارف أتخلص من الشعور ده إزاي وفكرة إن مفيش بيننا أي تواصل وأنا حتى مش في نفس المكان ومش عارف أتخطى مخلية الموضوع مريب أكتر بالنسبة لي حد مر بحاجة زي دي قبل كده واعمل ايه علشان اخرج من الحالة دي وانساها بجد