isolate at napahiya ako dahil sa pambubully last school year—paano ko ba mawawala 'yung trauma at galit na natira sa akin?

Hi everyone, gusto ko lang talaga mag-vent kasi matagal ko na 'tong dinadala at araw-araw pa rin nitong naaapektuhan 'yung isip ko.

Last school year, na-bully ako ng dalawang babae sa school namin. Nung umpisa, ang bait-bait pa nila sa akin, pero nung tumagal na, bigla na lang nagbago ang pakikitungo nila. Inabuso nila 'yung pagiging mabait ko at sobrang sama na ng ginawa nila sa akin.

Ang pinakamasakit, paulit-ulit nila akong pinapahiya sa harap ng mga classmates namin. Pinaramdam at ipinamukha nila sa iba na para akong bobo o walang alam. Hindi naman sa pagmamayabang, pero alam kong matalino ako at maayos mag-aral, pero lagi pa rin nila akong ginagawang katawa-tawa. Dahil sa ginawa nila, sinira nila ang tingin sa akin ng ibang tao kaya wala man lang akong naging kaibigan. Sobrang nabawasan 'yung tiwala ko sa sarili ko at naramdaman kong naging mag-isa ako.

Hanggang ngayon, hindi ko pa rin matanggal sa utak ko 'yung mga beses na pinahiya nila ako. Sobrang galit at frustration ang nararamdaman ko araw-araw, at mas lalo pa akong nanggigigil kasi pakiramdam ko wala akong nagawa noong mga oras na 'yun para ipagtanggol ang sarili ko. Minsan pumapasok sa isip ko na gusto ko silang gantihan para lang makaramdam ako ng kaunting ginhawa o hustisya.

May nakaranas na rin ba sa inyo na ma-isolate at mapahiya nang ganito? Paano niyo na-overcome 'yung trauma at 'yung regrets na wala kayong nagawa noon? Gusto ko na lang talagang lumuwag 'yung pakiramdam ko at magkaroon ng peace of mind.