محتار في اختيار الكلية

عارف انه topic قتل بحثاً بس حقيقي محتار ادخل حاسبات ولا اشوف فرصة تانية احسن

الخمس شهور الي فاتو اتعلمت شوية fundamentals (OOP , DSA ) اتعلمت شوية java عجبتني و كنت ناوي اتعلم spring boot )

بس وقفت و جالي احباط من الكلام الي بيتقال عن السوق و ان الفرص قليلة و الكلام دة فـ رجعت افكر تاني انا عايز ادخل حاسبات فعلا ولا في حاجة تانية احسن

حاليا فاضل اقل من شهر عالتقديم و انا قدامي كل الكليات مفتوحة (مش ثانوية عامة )

و مليش ميول لحاجة معينة شايف اني ممكن امشي في كله عادي

مؤخرا بقيت افكر في طب بس مستتقل المشوار و اني هتأخر علي ما اكون نفسي و هكون حمل علي اهلي لمدة مش قصيرة، اهلي معندهمش مشكلة بس انا مش حابب الفكره و هم مش مقتدرين ماديا بشكل كبير بس يقدرو يضغطو نفسهم، و معنديش حد في عيلتي من المجال الطبي

انا عارف ان مفيش طريق جنة و سهل و مفيهوش عيوب ولا ريسك بس انا حقيقي محتار

خايف من مستقبل حاسبات المجهول وان ممكن بعد كل التعب دة أتخرج ملقيش مكان و اشتغل كول سنتر فالاخر و اندم اني ضيعت طب

و خايف ادخل طب اضيع سنين حياتي فيها و اكرهها بشكل او بـ أخر و اندم اني مدخلتش الحاجة الي انا حاببها نوعا ما و شايف اني هكون كويس فيها

لو حد مره ب تجربة منهم سواء طب او حاسبات شايف اية الاحسن

في وضع السوق الحالي لـ حاسبات دة لو السوق فضل علي وضعه و مبقاش اسوء علي ما اتخرج

ولا شايف طب تستاهل ١٠ سنين تعب و مذاكرة مبتخلصش و اني مش هعرف اكون نفسي بدري بس فالاخر وظيفة شبه مضمونة و امان وظيفي و استقرار