ليش مرات احس ان امي تكرهني؟

ادري ان التايتل يصدم بس صارلي فتره ساكته و متحمله بس اكثر من جذي ما اقدر! امي من يوم و انا صغيره تتهمني ب وايد اشياء و ب اختصار تطلع حرتها فيني، ما اقول انها ام سيئه جدا يعني كانت مدخلتني مدرسه خاصه و تشتريلي ملابس ماركات و كل شي بس تذلني ذل عليهم. و كل يوم لازم تذكرني انها مقصره على نفسها على شاني انا و اخواني مع ان كنت اشوفها هم تلبس و تطلع، من يوم تطلقت من ابوي و ابوي يعطيها نفقه ما اشوفها تصرف علينا كثر قبل يعني يا دوب تعطيني٥ او ١٠ مره بالاسبوع كل اسبوعين عشان اطلع ويا رفيجاتي و هذي ها بعد شهورر قعدت جم شهر ما اطلع ويا رفيجاتي بدون سبب و تذلني ذل عليهم و كله تقولي ان ما عندها لان قاعد تصرف كل الي عندها علينا بس كا عايشين ب بيت اهلي و ما قاعد تدفع اجار و لا قاعد تدفع شي و كل يوم داشه و طالعه ويا رفيجاتها و ايدها متروسه جياس . ف ما اشوفها قاعده تصرف وايد اساسا، و هم كل سنه مسافره ثلث اربع مرات ويا رفيجاتها.

فوق كل هذا تشيشني ب اهلها و اهل ابوي يعني صاير في تفكك اسري و سنين و ما تخلينا نشوفهم، هل فتره قامت تخلينا نشوفهم و جذي بس ردت حرمتنا منهم. كل اهلي قاعد يقولون لي ان اشد حيلي ب دراستي، و لاني تخرجت الحمدالله طلعت لي بعثه ف انشالله بروح بس كل شوي امي تحاول تمسك شي علي عشان ما اروح معنا ابوي راضي و موقع واهيا تهددني كل شوي و تقولي بتروح تتهاوش ويا ابوي عشان ما يخليني اروح و كل شوي ساحبه تلفوني

ادري ان هانت و ما بقى شي حرفيا يمكن شهر او اقل بس بنات والله العظيم تعبت و قاعده احاول احفز نفسي لان في اختبار لازم اقدمه قبل ما اروح ف قاعده احاول اركز و ادرس له بس كل يوم امي قاعده فوق راسي تصارخ و تاذيني و تعبت نفسيتي حيل، مادري شسوي اكثر من جذي بس كله حاطه ب بالي ان هانت و ما بقى شي و اروح