>  പ്രിയദർശിനി ബസിലെ തിരക്കിനിടയിൽ റോഡിലേക്ക് വീണ വനിതാ കണ്ടക്ടർക്ക് പരിക്കേറ്റു. ആലപ്പുഴ ഡിപ്പോയിലെ കണ്ടക്ടറായ അമ്പിളിക്കാണ് കലവൂരിൽ വെച്ച് റോഡിൽ വീണു പരിക്കേറ്റത്. കനത്ത തിരക്കിനിടയിൽ പിൻവവശത്തെ ഡോർ തനിയെ തുറന്നു പോയതോടെയാണ് അമ്പിളി പുറത്തേക്ക് വീണത്.   
   
>  ആലപ്പുഴ ചെല്ലാനം റൂട്ടിൽ സർവീസ് നടത്തുന്ന ബസ്സിലാണ് അപകടം നടന്നത്. ചെല്ലാനത്ത് നിന്നും തിരികെ ആലപ്പുഴ ഡിപ്പോയിലേക്ക് വരുന്ന വഴിക്ക് കലവൂർ ഭാഗത്തുവെച്ച് ബസിന്റെ പുറകുവശത്തെ ഡോർ തനിയെ തുടർന്ന് കണ്ടക്ടർ ഹൈവേയിലേക്ക് വീഴുകയായിരുന്നു. വീഴ്ചയിൽ അമ്പിളിക്ക് നിസ്സാരപരിക്കുകളേറ്റു.   
   
>  ബസ്സിൽ അനിയന്ത്രിതമായ തിരക്കായിരുന്നു ഉണ്ടായിരുന്നത് എന്നാണ് യാത്രക്കാർ പറയുന്നത്. ഇതിനിടയിൽ ഡോർ തുറന്നു പോവുകയായിരുന്നു. റോഡിൽവീണ കണ്ടക്ടറെ യാത്രക്കാർ തന്നെയാണ് രക്ഷപ്പെടുത്തിയതും ആശുപത്രിയിലെത്തിച്ചതും. അപകട സമയത്ത് മറ്റു വാഹനങ്ങൾ കടന്നു വരാതിരുന്നത് വലിയ അപകടം ഒഴിവാക്കി.   

Copied from the Deshabhimani [article](https://www.deshabhimani.com/News/kerala/alappuzha-priyadharshini-bus-conductor-falls-off-door-opens-news-12594) which licenses its text under the [CC-BY-NC-SA 4.0](https://creativecommons.org/licenses/by-nc-sa/4.0/) copyleft license.  

നിൽക്കാനിടമില്ല: ഓട്ടത്തിനടെ പ്രിയദർശിനി ബസ്സിന്റെ ഡോർ തുറന്നു; തെറിച്ചുവീണ് വനിതാ കണ്ടക്ടർക്ക് പരിക്ക്