كنت بتشمى في المنطقة عندنا في المنطقة لقيت مركز تبرع ببلازما فتح عندما بدل المشتل الي كان موجود فقلت يلا تتبرع ليه لا. اول ما دخلت كان سؤاليين عاديين من الأمن اول مرة ليك؟ و هات البطاقة بتاعتك. بعدها استلمني شخص قالي لو سالوك قلهم انك جاي دعاية خارجية تبعي انا هو صراحة معرفش ليه بس تقريبا بيخدوا عمولة على الموضوع ده. صراحة مهتمتش. بعدها ادوني ورق اساله اجاوب عليها. زي عملت وشوم أو علاج ابر صيني قبل كده؟ سافرت انجلترا و ايرلندا بين ١٩٩٨ و ٢٠٠١ تعرف حد حاله الجدري تعرف حد جاله جنون البقر. عملت علاقات جنسية قبل كده خصوصا لو حد عارف أنه عنده امراض جنسية. بتتعاطى مخدرات. و بردوا اساله بخصوص السفر لدول افريقيا الوسطى. اساله مهمة جدا طبعا لطبيعة الحاجة. بعدها بقى اختبارات الضغط و الوزن و حاجات من صورة الدم و اختبار فايروس سي و كذا فيروس. بعدها بردوا الدوكتور بيسالك اساله من نفس النوع.  و بعدها خلاص بتخش الاوضه و الدوكتوره بتجهزلك الحاجه و تدخل الابره و تبدأ العملية. بتاخد حوالي ٤٥ دقيقة و مفيش اي الم أو اثار جانبيه. وقت السحب بتعد تضم ايدك و نفردها علشان تسرع العملية و بعدها عملية ارجاع الدم بترخي ايدك. عندهم نت و تقدر تستخدم التلفون مفيش ملل. و بيدولك عصير و بسكوت و محلول ملح عشان التعويض أو علشان تعوض. و المفاجاه الكبرى أنه طلع بيدولك فلوس بس انا قلت فاكس عاملها خيري

تجربتي مع التبرع بالبلازما