الموضوع ماكانش سهل

انت متخيل ان انا ممكن اكون صحيت من النوم وقررت ابقى غير مؤمن بوجود رب للكون؟

اكيد لا طبعاً، محدش بيوصل للمرحلة دي الا اللي تعمق في الدين وسأل كتير أسئلة ممنوعة وملقاش اجابة.

انا كنت حافظ للقرآن ومتعمق في تفسيره. ورثت الدين زي اي حد على الكوكب اللعين ده. لقيت اهلي متدينين ومحدش اجيرني اني أصلي او اصوم.

كنت بعمل اللي عايزه وبرضايا.

الموضوع مش سهل يا جماعة، مش سهل اني ابطل ايمان، ومش سهل اني اخدع نفسي عشان نزواتي.

بعد تفكير وقراءة وبحث ومناظرات، الموضوع بدأ ياخد حيز من حياتي ويسرق وقتي وتركيزي.

مش قادر اسيطر على عقلي واضغط عليه واكون جوه نفسي كداب ومنافق. عقلي رافض انه يستوعب فكرة وجود رب ودين.