هو إزاي ربنا هيرجع حق الكافر من المسلم اللي ظلمه، لو المسلم تاب توبة نصوحة؟ ...

أكيد كلنا عارفين حديث الراجل اللي قتل 99 نفس، وبعدها قتل واحد كمان فـ بقوا 100، وفي الآخر تاب وربنا غفر له.

بس افترضوا معايا (مجرد فرضية عشان نختبر الفكرة أخلاقيًا) إن بعض الناس اللي قتلهم الراجل ده كانوا كفار. ساعتها السؤال هيبقى: ربنا هيجيب حق الشخص الكافر اللي اتقتل إزاي، لو القاتل تاب توبة نصوحة وربنا غفر له؟

يعني بالنسبة للمسلم اللي اتقتل، ممكن نقول إن ربنا هيعوضه من فضله في الجنة وكدا، حتى لو غفر للقاتل ومش هيعذبه. لكن الكافر إيه وضعه؟

الله بيقول في القرآن:

> ﴿إِنَّهُ مَن يُشْرِكْ بِاللَّهِ **فَقَدْ حَرَّمَ اللَّهُ عَلَيْهِ الْجَنَّةَ** وَمَأْوَاهُ النَّارُ﴾

[المائدة: 72]

فـ لو الشخص ده كافر ومش هيدخل الجنة أصلًا، ربنا هيعوضه إزاي؟ هو مش هيقدر يعوضه بنعيم الجنة لأنها محرمة عليه، وفي نفس الوقت مش هيعذب المسلم اللي قتله؛ لأنه تاب توبة نصوحة، وربنا غفر له خلاص.

فـ إزاي؟