نيجي لجزئية التعامل مع الناس

خليك متكبر وإعمل فيها الجامد اللي مفيش منك اتنين

ويفضل تاخد جنب وتعمل فيها خفاش وانت اصلاً مغطي نفسك بملاية ولابس نضارة 

وأهم شيء: لو كوباية الشاي بتاعتك اتكبت عالمكتب عندك وحصلت خناقة عادية روتينية : لاااازم تعمل منها فلم هندي وانك المظلوم في البلد الفايحة جهل وعفونة وظلم دي

المهم : نيجي  لأفضل نصيحة فيكي يا بلدينا 

بدل ما تقرأ كتاب لفضول او اهتمام او حب للعلم لااازم تقرأ علشان "الأكثر مبيعاً" 

ويفضل تقرأ كتب علم النفس: مش علشان طبعاً تاخذ شوية فهم حلوين عن النفس . احنا مختلفين يا بلدينا : علشان تعمل فيها نمرة وتشخص نفسك ب ADHD او الاكتئاب او اضطراب ثنائي قطب علشان كوباية الشاي اللي وقعت عالمكتب دي :)

وبس يا سيدي  

كالعادة الجزء الثالث من سلسلة نجاح ملوش صاحب بحكم ان الجزء الثاني محدش اهتم بيه . فحبيت اعمل جزء تالت