احترم الكبير ، اكتر اشي مستفز ..

انا الوسط ، طول حياتي بشتغل من عمر صغير ، حتى اخوي الكبير انا كنت ادفعله اقساط جامعته ، لما تخرج قعد سنين ينط من شغل للتاني ويقضيها سهر مع صحابه ومش عاجبه اشي..

اختي الاصغر كمان انا درستها ، والبيت انا يلي بصرف عليه ، اخوي ما بحط ليره فيه ، لما هاجرت جبت كل العيله معي..

انا شريت البيت تاع اهلي..

بس لما بيجي اخوي الكبير الكل لازم يحترمه ويقعده بصدر البيت ، وامي ما بتطبخ الا لما هو بيجي..

متشارك معه حاليا بشركه ، وفعليا انا يلي قاعد بعمل كل اشي فيها ، وهو مقضيها سفر من بلد للتاني وعطله ورا التانيه..

من فتره بحكيلي بده يدخل مرته بالشركه وانا حكيتله بوضوح لا ، لانه الشغله لما يدخلوا فيها بتصير مشاكل وحكي..

وهلأ مش عاجبه بده يفض الشراكه ، ويبيع حصته ، وبدخل حد غريب..

لما بسافر انا يلي بقوم ببيته ، بوصل مرته وابنه بعدين بروح على شغلي..

ودائما بضهره ، بجيبه من المطار وبوديه حتى لو ٤ الفجر..

من اسبوع بدي اعمل الفحص الدوري تبع السياره ولا بحكولي من الضغط بدك تتركها وتاخدها تاني يوم..

بتصل على اخوي انه لو تجيبني ، ولا بيحكيلي هيه اوبر يا زلمه انا مش فاضي...

ومن يومها وانا نفرت منه ، بدق علي ما برد عليه ، اجا على البيت وقلتله خلص فض الشراكه ، لا انتا اخوي ولا بعرفك..

مش قادر اتحمله اكتر من هيك...