المره الوحيده و الاخيره ال روحت فيها ل therapist

قاعد زهقان** ف هحكيلكم قصتي يعني في الموضوع ده و النهايه حلوه **☝🏽

( كل** الكلام ال هقوله من وجهه نظري و لو عندك وجهه نظر تانيه ياريت **توضحها )

مبدأيا** من و انا صغير اصلا مكنتش بقتنع بالدكاتره النفسيين اوي و بحس ملهاش **لازمه

و** عندي دايما مبدأ انك تشكي لربك و تقوله كل ال نفسك فيه و تستنجد بيه دايما لان هو ال بإيده كل **شئ (و لسه ثابت على المبدأ ده)

بس** المبدأ ده ميمنعش ان الدكاتره دول ليهم لازمه بس لشريحه معينه في المجتمع و فعلا بيفرقوا جدا جدا جدا مع ناس كتير طبعا بجانب العباده لان منغير العباده انت ولا حاجه و لو انت شايف ان الشفاء ده من عند الtherapist** او** اي كان غير ربنا ف انت محتاج تعيد ترتيبك و دايما تبقى حاطط في دماغك ان الشفاء النفس ده دايما من عند **ربنا

انا** في حياتي الحمدلله كويس و مش بعاني من حاجه اوي بني ادم طبيعي عنده مشاكل و خلاص و بتعايش مع الحياه بحب اضحك و اهزر دايما **

بس** المهم انا كان في فتره في حياتي علاقتي الحمدلله كانت كويسه مع ربنا جدا الحمدلله و كنت متاكد ان ده ابتلاء بس كنت في ضغوط كتيره جدا جدا و بقيت بكتم كل حاجه جوايا و عيشت سنه مش لزيزه اوي كنت في نعم كتير الحمدلله بس للاسف كانت تراكمات كتير و مشاكل كتير لحد م بقيت تايهه كده **

الضغوط** و الكتمان زاد لدرجه اني ابتديت اغمى عليا و اروح المستشفى و بيجيلي panic attacks بشكل مش طبيعي و كنير جدا جدا و بدون سبب ..مكنتش بعرف انام.. بنام قلقان و بصحى قلقان و طول اليوم مش كويس **
طبعا** كل ده كان بسبب مشاكل كده معينه **

ف** طبعا مش محتاج اقول انا كنت بقرب لربنا ازاي الفتره دي و كنت عارف انه ابتلاء قوي **جدا

قررت** طبعا اني اروح لtherapist** لغرض** واحد بس **
انه** يديني دوا اعدى بيه بس اسبوع معين كده و كنت عارف ان بعد م الاسبوع ده يخلص هبقى تمام **

للمعلومه** انا روحت للدكتور مش عشان احكي ولا عشان افضفض ولا يحللي مشكلتي ولا اي حاجه انا كنت رايحله لغرض المهدئ ده بس عشان الوقت كان critical جدا **

المهم** القصه بتبدي اول لما ابويا طبعا حجزلي و كان معايا ربنا يكرمه واقف جمبي **الحمدلله

---

روحت** و ابويا كان متدايق طبعا شويه اني وصلت للحاله دي و كنت حاسسه انه في اسوء فترات حياته و هو شايف ابنه كده و الضحكه ال كانت على وشي ماتت حرفيا **

---

و** احنا في السكه رايحين بنضحك و بنهزر و بنتكلم و كانت لحظه غريبه اوي و awkward جدااا جدااا كده بجد مش اي حد هيفهمها..** هتحس** انك محرج جدااا و عايز تروح البيت كده و تقولهم انا كويس والله مفيش حاجه حوار غريب كده من ****الاخر**😂

المهم** لحظه دخولي المكان انا كنت هفطس ضحك حرفيا انا اسف لو كلامي بيدايق اي حد بس بجد اول لما روحت و دخلت كنت ماسك الضحكه بالعافيه و بخبي وشي خايف حد يشوفني بضحك **

عامة** كنت بضحك لان كان في ناس كتير اوي مستنيه الدور و الجو ده ف بتبقى واقف كده وسط ناس و عارف ان كل دول جايين يتعالجوا نفسيا و كل واحد عنده مشاكله و حتى الreceptionist** حسيتها** محتاجه تتعالج و مكنتش طبيعيه بجد خالص و كانت غريبه جداا جداا **
حرفيا** دي معنى الكوميديا السوداء ****يعني**😂

عموما** انا بحب اتكلم مع الناس ساعات ف وقفت برا شويه و اتكلمت مع واحد كده سألته جيت هنا قبل كده يعني ( قالي اههه كتيررررررر)** ف** كنت هضحك بس الحمدلله تمالكت نفسي و بعدها قولتله يعني الدكتور ده كويس و كده (قالي اهه جدااا و فرق معايا جداا) قولتله ربنا **يبشرك

** حاولت اهزر معاه و كان يعيني بيبتسم بالعافيه في سري قولت ربنا يعينه الصراحه اكيد فيه ال مكفيه و في وسط الكلام كنت هسأله مالك بقا جي هنا ليه اكتشفت ان سؤال غبي و بحمد ربنا لحد دلوقتي اني موقعتش في الكلام و قولت ****كده😂😂 **

بجد** محدش فاهم الموضوع بيضحك و بيزعل قد ايه في نفس **الوقت

جه** دوري اخيرااا و روحت داخل للدكتور و حكيتله طبعا ال حصل معايا قالي انت مش مريض نفسي و الجو ده بس انت الpressure** ال** انت فيه قوي شويه و الفتره دي بس تعدي و هتبقى تمام ان شاء الله بس محتاج دوا يمشيك الاسبوع عشان انا كنت محتاج ابقى فايق الاسبوع ده بالذات من غير اي مشاكل ولا اي panic attacks ولا اي حاجه زي م قولتلكم كان وقت critical جداا **

المهم** اداني كذا دوا و مشيت على واحد بس حسيته كتبلي على ادويه كتير ملهاش لازمه و في الاخر مشيت عليها اربع خمس ايام بس عقبال م الاسبوع خلص و الpressure** خلص** و قللت الدوا تدريجي لمده تلت ايام بس مكنش ينفع اوقفه مره واحده و خلاص على كده الموضوع انتهى **

من** بعد الفتره دي م خلصت انا ربنا انعمني بحاجات كتير جدا جدا انا متخيلتش ان كل ده يحصل و الصبر ال انا قعدت اصبره ده في الاخر ربنا بيعوضه و نفسي اشكر ربنا اوي اوي اوي بجد انا كنت في اسوا فتره في حياتي بجد يا جماعه و كنت بقعد شهر ممكن مش عارف انام مرتاح بجد و ممكن منامش و كنت بصبر و بيجيلي افكار كتير وحشه زي مثلا ال هو انا علاقتي كويسه مع ربنا بس ربنا مش بيصلح حالي ليه و اساله كتير وحشه بتدور في دماغي بس كنت بحاول اسكتها و اقول الصبر هو الحل و الايمان بالله و فعلا في الاخر انا ربنا كرمني بشكل محدش متخيله و بقيت ممكن اعيط من النعم ال عندي و ابتديت احس يعني ايه نعمه.** و** قد ايه في نعم كتير اوي ربنا مدهالي بس كان ممكن يمنعني منها في لحظه و بقيت بحس بكلمه الحمدلله لما بقيت اقولها **

ف** دايما قول الحمدلله و اوعى بجد تخيب ظنك في الله **

و** الجمله دي هي ال كانت بتخليني اصبر بجد
( الله لا يمل حتى **تملوا ) ❤️

الحمدلله** **❤️

---

انا** طولت اوي ف شكرا لل قرا الكلام ده كله و اتمنى ربنا يسعدك و يحققلك كل ال نفسك ****فيه**❤️