ليش بعض الرجال ما يبغوا يدفعوا لحريمهم؟

مجرد فضول شفته من بوستات كثير ومستغربة الرفض الشديد 😅 هل الرجال فقط غير مستوعبين انه فتح البيت يتطلب صرف كبير من الراتب؟ ولا يبغوا راتبهم لهم حتى مع الزواج؟ ادري المهور غالية وفتح البيت غالي بس هذي هي المصاريف وليش زعلانين انه المهور غالية اذا ما عجبكم معناها مو بميزانيتكم وفيه بنات مهورهم اقل صح ولا لا؟ واشوف كثير يبخس يعطي زوجته مصروف طيب كيف تبيها تتزين لك؟ مو انت متزوجها عشان النكاح؟ اكيد تبي وحدة شكلها حلو ومرتب قدامك يعني انا اغلب مصروفي يروح على عناية، ودي افهم وش وجهة النظر وليش زعلانين وليش فيه بعض الرجال يرفض يصرف على اهله غير المصاريف الاساسية وليش اصلا فيه نقاش على مصاريف العلاج انا مصدومة انه فيه رجال تبحث عن حكم علاج زوجته وي زوجتك بتخليها تموت يعني؟ والله صدمة كيف تبي ام عيالك تثق فيك بعد هالشيء ولا اذا لا سمح الله ماتت عشان رفضت تدفع وين بتودي عيالك؟ والله موضوع غريب اتفهم الم صرف الفلوس بس مو كذا، والله لو زوجي مرض لابيع ذهبي عشان اعالجه ف ما اقدر اتفهم وجهة النظر ذي ابدا