القصد اني مباوع 4 انميات بس طول حياتي وما مكملهن للاخير ،مشكلتي وية الانمي هية القصص والشخصيات والفان سيرڤس كلة شي مستهلك ونفس الشي حتة لو الستايل غير.

اني اعترف انو اكو مشاهد الانميشن بي اسطوري بس ما اعرف ما عاجبني الوضع كلة.

يمكن من اللغة لان لازم اقرة اكثر من ان اباوع واني ما احب الدبلجة، اني اعرف انكليزي بس من اباوع الفم يتحرك شكل والكلام شكل ثاني ادوخ وما احسة اصلا (اكره الدبلجة عامتا)

حاولت معة جوجوتسو كايسن وحاولت معة فري رين بس ما طخن معي، علة فكرة اني مختم الافلام الكارتونية يعني مو مشكلتي الانميشن عامة.

والانميات افكارهن سخيفة مثلا شخص مات وانتقل الى عالم ثاني او شخص طب بوابة او واحد ضعيف طلع البطل الخارق او الملك وهوة ميدري، يعني شي تافه بمعنة الكلمة وبس الفكرة اصلية هية التشتهر.

يمكن لان اكره الرومانسية (بس بالشاشات اكرهة) 

هل هية مشكلة انو ما اباوع انمي؟ لا مو مشكلة اصلا عدهم مشكلة اليباوعون انمي