حركة مايس و الوساطات

شنو هاي
ثورة/انقلاب مايس صارت على ايد العقداء الاربعه ( محمود سلمان, صلاح الدين الصباغ, كامل شبيب, فهمي سعيد) وبالاضافة الى رشيد عالي الكيلاني الي صار رئيس الوزراء وره الثورة او الانقلاب
ومن أسبابها: ورا ما توفى الملك غازي سنة 1939، صار ابنه فيصل الثاني هو الملك وكان عمره 4 سنوات، ولهذا صار عبد الإله وصي على العرش، وكان يميل للتعاون ويا بريطانيا. وكذلك نوري باشا السعيد جان من أبرز السياسيين المؤيدين لبريطانيا، وهذا الشي زاد الخلاف بين القوى القومية والعسكرية وبين السلطة. بالإضافة إلى الخلاف حول تسليح الجيش العراقي، وقضية فلسطين، ومعارضة النفوذ البريطاني بالعراق، وتصاعد التيار القومي العربي، فاجتمعت هاي الأسباب وأدت إلى قيام حركة مايس 1941

الوساطات : 

اولا :  الوساطات الداخلية : صارت محاولات لتقريب وجهات النظر بين الكتله العسكرية ( العقداء الاربعة ) و القادة السياسيين ( نوري باشا, طه الهاشمي….) حتى يوصلون الى حكومة ائتلافية ويتجنبون الانقلابات

ثانيا : الوساطة التركية : خافت تركيا من لايصير الصراع قريب على حدودها فعرض وزير خارجيتها بوكتها ( شكري اوغلو ) وساطة رسمية بين العراق وبرطانيا, خكومة الكيلاني رحبت بالوساطة بشرط احترام سيادة العراق بينما برطانيا رفضت الوساطة و طالبت العراق بالانصياع التام الها
حكومة الكيلاني استخدمت الاراضي التركية مثل ملعب سري للتواصل الدولي ( مثل لقاءات ناجي شوكت ( وزير العدل ) مع السفير الالماني بانقرة يطلب اعتراف دول المحور باستقلال العرب )

ثالثا : الوساطة السعودية : الكيلاني دز جم رسالة للملك السعودي يحجيله عن الضغوط البرطانية وطالب منه الدعم, وملك السعودية جان يريد التهدئة الاوضاع وعد اللجوء للخيار العسكري وايضا هاي همين ما غيرت من موقف برطانيا

رابعا : الوساطة السوفيتية : صارت اكو مفاوضات سرية بين العراق و الاتحاد السوفيتي جان نتيجتها باعلان تبادل دبلوماسي رسمي في ايار 1941, اشترط العراق اعتراف السوفيت باستقلال الدول العربية وعدم التدخل بشؤونها لكن السوفييت كلشي ماقدموا عسكريا او دبلوماسيا لحل الازمة ( لان ما يريدون يزعلون البرطانيين )

النتائج 

1. خذلان دول المحور (ألمانيا وإيطاليا): دول المحور ما قدموا للعراق شي حقيقي اعلام ضعيف و جم طيارة

2. المواجهة العسكرية المباشرة: صار تصادم مسلح بين الجيش العراقي والجيش البريطاني

3. النهاية وسقوط الحركة: الجيش العراقي قاتل وحده بدون اي دعم حقيقي من احد وبدون اي تكافؤ ويه بريطانيا وانتهت الحركة بالفشل العسكري وهربوا قاداتها وهواي ورجعت برطانيا فرضت هيمنتها على العراق

هذا اقل من ذاك, يلا كافي خل ارجع لكهفي