5rajt men tounis w ba3d?

Nra fil a4labiya se79a fi tounis ta7ki ken 3al haja mel bled wili y9olek ohrob b jeldek 9olich 3liha tounis jhanam wil bara janna! Wala ken to93od fi tounis 3ibara meyet bel 7ye, Nes lkol na3rfou machekil tounis chnowa w 3anina barcha surtout sif sne wala wadha7 chay b 9asan edhaw wil me ma9tou3 fi bled s5ana feha tousel 40 ema birasmi hal li5rouj 7al lel mochkol hetha? S7i7 bch temchi l bled feha infrastructure 5ir w economie te3ha tala3 ema tansech rak bch t3ich racisme 3la 5atrek 3arbi w bch ta7ki kol youm b lou4a 4ir lou4a eli enti met3awed 3leha w fehemha 100%, tansech eli wa9t yji 3id wala romthane mafama 7ad bch y3abar 3idek w nharet ye5dhou fichta 3la 5atar 3id 3andhom yraw7ou y9ablou 3ayelthom ema enti bch tab9a wa7dek fil studio eli kerih b 7a9 chtar chahriya te3ek, ya3ni bch t3ich m3ahom fi bledhom ema dima bch t3ich mouhejar mekich weld bled w nharet t7eb trawa7 bch tol 3la 3ayeltek bch tarja3 tet3amel m3a li3waj eli hrabt menou fil vacances heka, ya3ni n7es ka twensa ma3anech 7al leli n3ichou fih, famech la bella vita ye t3ich tmarmid tounis ye t3ich tmarmid l4orba famech 7al thelith!