فضفضة

اليوم كنت في المكتبة، وأنا طالع شفت أم معها اثنين من عيالها، بنت وولد، وواضح إن فيهم إعاقة، وأمهم معهم واضح انها كبيرة سن
المشهد صدق خلاني أفكر وتأنيب ضمير جاني، وجلست أقول الله هو السبب، طيب ليه كذا؟ ليه يخليهم ينولدون كذا؟ وش ذنبهم أصلًا؟
إذا الله يقول عن نفسه إنه قادر على كل شيء، ويقدر يمنع عنهم هالمعاناة، ليه خلاهم يعيشون فيها من الأساس؟
أعرف إن بعض الناس بيقولون ابتلاء، أو لحكمة ما نعرفها، بس بالنسبة لي هذي الإجابة ما تحل السؤال. لأن الطفل وش ذنبه؟ هو ما اختار يولد كذا ولا سوى شيء يستحق عليه هالمعاناة.
أنا فعلًا ما عندي إجابة مقنعة، لكن الموضوع خلاني أفكر في مشكلة الشر والمعاناة بشكل مختلف.