اهلا وسهلا

قصة السيرفر هذا طويلة وممكن اتكلم عنها بعدين " السيرفر اللي فوق "

لكن بالنهاية استغنيت عن السوق المحلي وطلبته من برا المملكة

ممكن يطري على بالكم الآن ان قيمة الشحن و الضريبة و الجمارك لحالها دبل قيمته! خاصة اني طالبة من امريكا

لكن العجيب انه شامل كل شيء لازالت مواصفاته افضل من اللي بسوقنا المحلي وارخص

السعر بالضبط 5251 شامل كل شي والشحن بالضبط اخذ 9 ايام من امريكا الى الرياض

ومع ضمان 90 يوم

ابرز المواصفات

E5-2670 x2 - 24 core - 48 thread

14 منفذ هارديسك 12 امامي و 2 خلفية

128GB DDR4 Ram

شرائي له لإستضافة بعض المشاريع اما سيرفري السابق T620 بتركه للإستخدام الشخصي

للأسف اغلب اللي بسوقنا 8 منافذ هارديسكات فقط + 32 قيقا رام "علما لو تكتب السيريال نامبر في موقع ديل بتكتشف انه اساسا كان 64 او 128 قيقا رام لكن وش نقول؟  (: " ويطلب مبلغ فوق 4000

في مرحلة التجربة حاليا, بإذن الله  بعد ما اتاكد من خلوه من المشاكل بنزل عنه مقطع كامل في اليوتيوب

ايضا حصلت واحد يبيع هاردسكات مستخدمه بأسعار اكثر من جميله لكن الى الآن غير واضحه جميع تفاصيله فإذا قدرت اوصل معه على اتفاق بالنسبة للضمان فتبكون التجربة القادمة عنه بإذن الله

ولدي الجديد R730xd