عايزة اشتغل

الجامعة خلاص قربت وبفكر اشتغل الشهر اللي قبل الدراسة ده انا داخلة اولي

فحاسه كده مش اكيد ان ماما هتسوحني لانها لحد دلوقتي مجبتليش غير طقمين جداد بس (لبست واحد منهم قريب 😺) وبابا مش بيصرف ليه علشان منفصل عن ماما من زمان وخالع ايده فمش اوبشن اصلا

المهم يعني هي قالتلي هتجيب بس انا مش شايفة اي بوادر خالص وبقالها فترة حاليا كل ما اقولها عايزة حاجة عادية تقولي معهاش فلوس فانا لو استنتها هتسوح حتي لو هتجيبلي فعلا بس هتكون مش حاجات كتير ودي بدايه جديدة ومش حابه ابان بشكل مش ولا بد

فبفكر انزل الشهر ده بس انا ساكنة ف منطقة مش وحشة عادي يعني قريبة من القاهرة شوية بس معنديش فكرة اشتغل ايه منغير ما احس ان حد بيستعبدني او بيعاملني وحش ويكون مرتب كويس ومش اكتر من ٨ ساعات وهكذا

ومحدش يقولي شوفي اونلاين علشان مليش ف شغل الماركتنج ده مبفهمش فبه ولا السيلز ولا العقارات وهذا القبيل

انا معنديش مشكله فاي حاجة طالما شغلانه طبيعية وفعلا شايفة اني انفع ف اي حاجة نسبيا

ويعتبر الانجليزي بتاعي كويس شوية معتقدش يجيب كول سنتر اوي لاني مش بتدرب اني اتكلم وبقالي كتير ركناه بس ممكن يكون ف رينج b1 to b2 كده وبرضو بفهم ف الكمبيوتر بص من الاخر فهمني اعمل ايه وانا هعمل اي حاجة

وشكرا مقدما