هل الحب فعلاً ينتهي بعد الزواج ؟

اني مو متزوجة بس بعلاقة حب ٣ سنوات علاقتنه صحية نوعاً ما واحب الشخص اللي وياي وجنت اغار عليه هواي واحبه واهتم اله واتمنى نتزوج بأسرع وقت ، بعد كم موقف محلو منه انخدش شي بداخلي بس هو رجع صلح موقفة وحتى تكونون بالصورة اني وياه ثنينه ناضجين و واعين ومو مراهقين اصلاً ، بس بعد علاقة ٣ سنوات اخر سنة بطلت احس بشي ، ماعندي شغف تجاهة ما اشتاق اله اذا اختفى كم ساعة لان هو دوم يشتغل وقليل نتصل وحتى صرت احس كلمة احبك مجاملة ، فحسيت انو هذا الشعور اللي يحسون بيه المتزوجين بعد سنوات ، اكدر اوصف الشعور بجملة (( انا وياه اشترينا مزهرية حلوة هاي المزهرية هي علاقتنه وحبنه واهتمينا بيها وجبنا اله ورد ومن نكسرت بسبب مواقف تجرح صلحناها ورتبناها بس بعد كل هذا خلص خلينه المزهرية ع الرف وتركناها وبطلنه نضيف الها شي جديد لا شي حلو ولا شي سيء )) يعني حتى لما راد يتقدم الي خفت وماردت هالشي هسه اريد اتاكد من مشاعري اكثر ، اللي متزوجين احجولي تجربتكم الحقيقية بدون مجاملات