شغلة قهرتني

اني اليوم جان عندي امتحان دور ثاني سادس علمي بمدرسة المفروض هيَ تكون واجهة المحافظة وافضل مدرسة بيها طبعاً للتوضيح هي حكومية ( ربما متميزين وربما متفوقين ماريد اذكر ياهي بالتحديد )
المهم هذا جان اسوء امتحان بحياتي حرفياً كعدت بقاعة عبالك حاشاكم زريبة مال حيوانات يعني ماكو هيج لا كهرباء ولا بنكة ولا مي ولا هدوء وفوك كل هذا ( اكو طلاب محددين يدفعون مبالغ ماليه لاشخاص وينعزلون بقاعة امتحانية وحدهم " بس للدافعين " ) ويفوتلهم تلفونات وقصاصات وكلشي الا ياخذون ١٠٠ والي ماعنده فلوس حجيت شنو وضعه بباقي القاعات وحتى مسح يمسحوله !! الى متى هيج وضع العراق كله فساد بفساد لعد شلون الله يوفقنا ونتطور اذا همه الشعب من مدرس او مدير او غيرها هيج فساد ! وبعدين يجون ينطون نصائح للدفع الي بعدهم ويكتبون دكتور فلان حسبي الله ونعم الوكيل الف مرة