ليه ما نخلي كل الجامعات والمدارس في الرياض داخلية بحيث تنحل الزحمة؟

بعد ثلاث ساعات قضيتها بالسيارة، ومقارنة الحالة الجارية بالحالة قبل ثلاثة أسابيع، هنا اقتراحي

نخلي كل الطلاب والطالبات من صف رابع (أحس اللي تحت رابع مرة صغار) إلى نهاية الجامعة يعيشون بأماكن دراستهم، ولهم اربع ساعات بعد عصر يوم الخميس يرجعون فيه لبيوتهم، وأربع ساعات بعد عصر يوم السبت يرجعون فيه للمدارس (عشان ما تقولون شتت العوائل)

أي أحد تحت صف رابع لازم يدرس في نطاق الحي اللي أمه وأبوه فيه، ويروح ويرجع بباص

أي أحد ما يعجبه النظام يدرس عن بعد أو في مكان ثاني غير الرياض

المعلمين والمعلمات على حسب بنشوف بعد تطبيق الخطة هل يحتاج نقمعهم بعد ولا لا

الصدق أشوفها طريقة مثالية تحل مشكلة الزحمة وانشغال الأهل بالدوام والتلوث البيئي اللي تسببه السيارات ولعل الأطفال يتركون الأجهزة ويبدون يتعلمون صح