ما بين المسخرة والضحك بين الرفقات؟

كيفكم

انا شخص انعزالي بطبعي وحرفيا عندي رفيق واحد بس بحكي معه كل يوم

من جديد بلشت شغل بطلبك تكون اجتماعي والا مافيك تكمل وشوي شوي ماشي فيه

عندي رفيقين رافقتهن وقت كنا عم نتدرب للشغل ولفترة كتير قريبة كان كلشي تمام بس شوي شوي عم حس انو صارو عم يتقربوا من بعض اكتر وعم يبعدوا عني مع انو انا يلي معرفهم على بعض

يلي عم بلش اشعر فيه انو صارو شوي شوي عم يزودوا "المزح" يلي بمزحوه لدرجة عم يوصل لمسخرة عليي يعني مثال بتلاقي واحد منهن بشلف نكتة عليي وفورا بغمزه للتاني وهداك بتضحك وكانو فهم قصده

انا بعرف انو يلي رح يقرأ البوست رح يضحك عليي لاني للاسف ما عندي المهارات الاجتماعية يلي باقي العالم عندها ياها هاد غير اني شخص حساس وبعيد عن العالم بشكل عام

فسؤال المليون دولار كيف الواحد بيعرف انو رفقاته عم يمزحوا معه ولا قلبت الرفقة بس مسخرة؟
وشكرا وعفوا 😝