فركشت جوازتي بسبب القايمة وبعدها باربع ايام اتخطبت و بتشتمني وتعيب فيا

​

انا مفشكل خطوبتي من خمس شهور كان قبل فرحي ب عشرين يوم بسبب القايمه بعد م سابوني جبت العفش وحجزت القاعه والسيشن وكل حاجه اتفاجأت يوم عزالي انهم كاتبين قايمه بمليون جنيه

واحنا كان اتفقنا ان الحاجه هتتكتب زي م جبناها ف انا قولتلهم انا عايز فواتير ب الرقم ده عشان امضي رفضوا وقالو مفيش فواتير كلها ضاعت قولتلهم مفيش مشكله سيبوني استلم الحاجه واعدها ده دين عليا ومن حقي اعرف انا هداين ب اي وب المره اجيبلكوا اسعار الحاجه من ع النت ومن اغلى مكان في مصر برضوا رفضوا ف حسيت اني بتغفل وبيتلوي دراعي وخطيبتي كانت سلبيه اوي مبتتكلمش ولا بتقول حاجه ف الجوازه باظت

وهي بعديها ب اربع ايام كانت اتخطبت انا لسه لحد الان مش عارف اتخطى مش عارف انسى الي حصل وتعبت من كلامهم اني بعت بنتهم واني مش قد المسؤليه مع اني عملت كل الي اطلب مني هما الي غيروا الاتفاق حرفياً

هي كل فتره تظهرلي وتنزل بوستات قد اي هي مبسوطه مع خطيبها وقد اي ان الماضي كان وحش واني كنت وحش معاها مع اني والله العظيم كنت شايلها جوا عيني وبعمل كل الي عليا من هدايا ل اهتمام ل كل حاجه وعرفت انهم قايلين عليا ل خطيبها الجديد اني كنت بخيل ومش قد كلمتي و كلام كتير اووي انا حرفياً الكلام الي هي بتنزله واهلها بيقولوا ده واجعنني وتاعبني ومخليني واقف في نفس المحطه ومحسسني اني كنت وحش واني فعلا مكنتش قد المسؤليه واني بعتها هل الي انا في ده طبيعي هل انا فعلا بعتها !؟

حد عنده حل يقولي ازاي اتخطى !؟