بابا عاون واحد زوالي و خلاه يخدم في الارض و بعد 10 سنين حاول يستولى علاها و ردها ملكو

الوالد يعمل في فلاحة عندو سنين. الوالد كان قبل يحب يعاون الزوالي. ديما يتبرع و يعاون كل قليلا و يجيبو يخدم في السواني و يخلصو و يعطيه من الصابة. 10 سنين لتالي كان فما خدام يتيم بابا سخف عليه عطاه يخدم في بلاصة في الارض على وجه الله و ولا يربي في الحيوانات و نحل و ولا يبني بالخردة في البلاصة. سنوات تعدات و السيد ولا يتاجر في كل شيء و ساعات نلقا شقوفات شراب و وسخ و يعملو في سكرات في الليل و يجيب في المجرمة. و قبل بعام قتلو باش يخرج من الارض خاتر باش نظف الارض و نبيع. ياخي قالي مانيش خارج و معندك متعمل. عادا عام و انا نعمل في شكاوي باش يخرج. و بعد صوعوبات و بيروقراطية و 7 تنبيهات جاو الدولة و كسرو البلاصة الكل. السيد جاب 20 مرا باش يطيشو رواحهم قدام التراكس فماش ميوقف التنفيذ. المهم بعد التكسير عمل فيديو على الفايسبوك على اساس الارض ارضو و يغالط في الناس و ضهرني انا على اساس مجرم و نرشي و فاسد و نكره الزوالي و قطعتلو رزقو و رزق صغارو. و انا يستحيل نهار تكبرت على زوالي ولا عطيت مليم رشوة رغم الي كانت ممكن تسرع الاجرائات. المشكلة الفيديو ضرب في الفايسبوك و ناس تسب فيا و تحسبي و تدعي بالشر منغير مسمعو الجهة الاخرى. و توا وليت خايف نمشي للارض خايف لنتغدر و نتقتل جرت الاشاعة و تشويه السمعة. برشا ناس في الكومنتار يتهدو عليا.

شنيا نجم نعمل في هل وضعية