هل اللغة بتخلق مشاعرنا ولا مجرد بتعبر عنها؟ (فرضية سابير-وورف)

هل المشاعر اللي بنحس بيها موجودة جوانا بصفة فطرية وإحنا مجرد بنحط لها أسماء؟ ولا الكلمة هي اللي بتشكل الشعور وتحدد وجوده في وعينا من الأساس؟

لو طبقنا الفكرة دي على مشاعرنا اليومية: لو مجتمع لغته مفيهاش مصطلح زي النوستالجيا، هل أفراده هيقدروا يحسوا بالحالة دي بنفس تفاصيلها المركبة؟ ولا غياب الكلمة بيخلي الشعور مجرد لخبطة مبهمة غير متبلورة في وعيهم؟

طب لو مفيش كلمة ملل في لغتك، هل كنت هتزهق؟ ولا الملل مفهوم اخترعته اللغة عشان نوصف بيه حالة الفراغ، ومن غيره كنا هنعيش الفراغ ده عادي من غير ما نترجمه لمعاناة اسمها زهق؟

ده جوهر فرضية النسبية اللغوية (سابير-وورف): الكلمات مش مجرد أدوات محايدة بنصف بيها اللي جوانا، الكلمات هي الإطار اللي بيشكل إدراكنا وبيحدد حدود عالمنا الداخلي. لو الكلمة مش موجودة، الشعور نفسه ممكن ميكونش ليه وجود في الوعي لأنه ملوش اسم يحدده

لو مكنش فيه كلمة حزن في قاموسك، كنت هتعيط لما حد يموت قدامك؟