الفطرة تغلب النسوية - أخت زميلتي كمثال

لما كنت بالجامعة كانت تدرس معي بنت اكبر مني ب ٣ سنين ، أنا كنت بكالوريس وهي تعمل ماستر. البنت كانت من دولة عربية وامها من دولة أوروبية وكانت نسوية ومتحررة كثير وكانت حتى فخورة بان بلدها فيه نسوية لسه اكثر من الدول الغربية. احنا درسنا بجامعة من جامعات النخبة تعتبر من افضل الجامعات في أوروبا والعالم في مجال الهندسة والتكنولوجيا. البنت الصراحة كانت في المجال الأكاديمي من العباقرة اللي مرروا علي. جامعتنا كانت جد كثير كثير صعبة وهي تخصصها بالذات صعب جداً. حرفيا بس 50% من الطلاب بتخصصات الهندسة بكملو الدراسة. هي مش بس نجحت، بل كانت متفوقة واتخرجت بمعدل عالي. البنت كمان من عيلة بنقدر نقول انها من الطبقة الأرستقراطية. أبوها وامها دكاترة بالجامعة ووضعهم المادي كثير منيح. اختها اللي اكبر منها لسه عبقرية اكثر منها ، ونسوية زيها. عندها Ph.D على ما أظن بال biology وبتشتغل باحثة بجامعة أمريكية معروفة جدا وتنصف من احسن ٥ جامعات بالعالم.

ومع ذلك هاي البنت كانت دايما تحكي مع اختها وتبكي لأنها صارت بنص الثلاثينيات ولهلا مش مرتبطة وتندم على المسار اللي اختارته وتحس انها فاتها كثير في الحياة وكل شهاداتها وإنجازاتها الأكاديمية والمهنية مالها فايدة إذا ما تعبى الفراغ العاطفي الموجود عندها.