تجربتى مع ال Dating apps

Dating apps تجربتى مع ال

Muzz, Bumble كانت سيئه جدا وهحكى عن الاشهر

Muzz برنامج سيئ بكل المقاييس بجد

بحسه برنامج شعبى جدا وعليه بنات المناطق الشعبيه والقرى والنجوع مع احترامى للناس كلها كنت عرفت بنت من القاهره عليه اتكلمنا اسبوعين تقريبا وكنت متفائل بالكلام معاها يعنى لكن مكنتش فاضى اقابلها بسبب ظروف شغلى وكانت مفهمانى انها من المعادى المهم لما جيت اقابلها كنت متشيك وبرفيوم وبتاع اخدت اول صدمه انها غير الصور تماما و الصور متعدله مع انه ميبانش خالص انها متعدله وكانت دى اول صدمه المهم قولت نقعد ونتكلم وخلاص وانا مقفول من الحوار كله وقعدنا واحنا بنتكلم قالتلى انها من منطقه شعبيه جمب المعادى يعنى (بدون ذكر اسم المنطقه علشان لو فيه احتمال ١٪ انها تبقى بتقرأ الكلام ده دلوقتي )ودى تانى صدمه فالمهم مع الحكى والكلام وانا عمال اعد الدقائق علشان امشى بس مش عايز اكسفها علشان هى غلبانه فى الاخر قعدت تحكيلى ان عندها قرايب فى عيلتها غير متعملين وخناقات وحاجات كده واكتشفت انها مش شبهى خالص فى اى حاجه وبعد كده مشيت وبلوكات من كل حته والحمدلله انى مديتهاش رقمى الاساسى كنت بكلمها بخطى التانى من البدايه ف للأسف تجربتى مع البرنامج ده كانت سيئه جدا جدا

Bumble وبالنسبه ل

بحسه برنامج للناس الهاى كلاس فششخ بيجيلى عليه

Matches لكن بتبقى مش احسن حاجه

هل حد مر بتجارب زى دى؟ وايه الى نفع معاك؟

للعلم الحمدلله شكلى كويس جدا بس بحس البنات عالبرامج دى بتبقى عامله تصفيات لدورى الابطال بتبقى منتظره احمد عز مثلا يكلمها ومش تجربتى انا بس فيه ناس اعرفها كانت نفس النظام عالبرامج دى وبيقولوا نفس الكلام عكس الاسناب والانستا بكلم بنات عليهم والدنيا بتبقى احسن بكتير