لو بنت ضربتك بالقلم

كنت في محطة مترو و شفت واحده بتضرب راجل بالقلم واضح ان كان فيه خناقة قبليها و زعيق بين الطرفين لكن الراجل مشتمهاش ولا اعتدى عليها ولكن هي صعدت الموقف و ضربته بالقلم
لكن الراجل مداش أي رد فعل إلا انه غمض عينه و فضل ساكت بينما كانت الست بتكلم زعيق و اهانة للراجل و هو واقف مغمض عينه و ساكت ولا كأنها أمه و بتربيه
لما حكيت لصاحبي الموقف اتبسط من ان الراجل تمالك أعصابه و مداش ردة الفعل
لكن أنا رأيي ان مش هتفرق معايا واحد ولا واحده اللي ابتدى بالإعتداء لان في الحالتين شايف انك لازم ترد الإعتداء اللي وقع عليك سواء المعتدي ذكر أم أنثى
لان اللي اعتدى عليك هو اللي اختار بكامل قواه انه يصعد الخلاف بينكم من مجرد خناقة كلامية إلى مضاربة بالأيدي
ففي الحالتين لو اتضربت بالقلم من راجل أو بنت
هديهم قلم بل قد يكون أقوى من اللي أنا أخدته