ليه انا مش طبيعي وشايف الصورة بالشكل ده؟

انا بكون اقرب لنفسي فعلا وممكن افكر في فكرة واحدة من غير ما اتشتت.

الموضوع ده مرهق جدا لانه بيخليك تحسب كل خطوة قبل ما تاخدها وتطلع بره العالم. حتى وانت بتتعامل مع الناس بتكون واعي اكتر الشخص ده بيعمل كده ليه وبترد بطرق مختلفة لانك شايف الموقف من بره اصلا.

انا حاسس بالاختلاف في تعاملي مع الناس بعد فترة العزلة الاخيرة وازاي بفكر في حاجات كتير وايه اللي بيخليني اختار امشي فين.

بس دايما بسأل نفسي انا اصلا ليه شايف الصورة كده بالبعد ده وليه انا مش طبيعي. ومش اي حدث بيأثر عليا زي الاول ايا يكن.

بقيت احس ان ده مش المكان اللي كان المفروض اتولد فيه و لو ده المكان يبقى ده مش الزمن اللي كان المفروض اكون فيه هنا.

بقيت اشوف حاجات الناس مش شيفاها بشوف ناس بتلعب بمشاعر ناس.

بشوف و اسمع الكلام... احس اللي ورا الكلام ده ايه. حتى لو انا خارج الموقف تماما. بتفرج و اختار ابعد بعد ما اتاكد اني صح.

كتير كنت في الاول بتعب بسبب ده لان كنت اشوف غباء اني اخد موقف على مجرد احساس. الغريب بالنسبة لي جدا. إن دائما احساسي صح.

بخاف اقول ده عشان نظرة الناس ليا في المجتمع.

انا متعايش مع ده جدا دلوقتي.

لكن سؤالي؛ هو ايه اللي ممكن اكون محتاجه مثلا عشان اكون جزء من الحياه؟ وايه اللي ممكن بكون براقب عشان اوصله؟