عندي اجتماعيه طفل بسبب اهلي

انا نقلت من مدرستي فابتدائي لمدرسه بعيده بسبب مشاكل واهلي كانوا بيكسلوا يودوني، مروحتش غير للإمتحانات بس لحد ما خلصت اعدادي، خلصت ثانوي واولي كليه زي الطفل الرضيع، بحاول اتعلم ازاي ابقي مع بني ادمين و ازاي امشي واتكلم. حاولت اعلم نفسي بنفسي واتعرض لمواقف بس الي قاعد من بدايه حيانه بيعمل خبرات وسط الناس دايما هيغلبني

اولي كليه خلصت و معرفتش بني ادم واحد عشان احس اني مش فقره مسرح او شخص عديم القبول، نزلت كل محاضره وكل امتحان وكل سكشن لوحدي، بس بحسد كل شله اشوفها ولا كل اتنين بيتمشوا مع بعض للمحاضره واركب عربيتي واروح لوحدي برضو.

من كام يوم قابلت كام شخص من المدرسه زمان ولقيت فيه منهم بيسألني هو انت كنت معانا فالمدرسه اصلا؟ اتحسرت ولله، ازاي كل دول فنفس فصلي و مدرستي وعاملين صداقات بالهبل و بينزلوا كل اسبوع حتي بعد ما اتفرقوا فجامعه وليه انا مستاهلش الاقي حد مستلطفني كده؟ يعني ليه البني ادم يحاول يعرف ناس و من الاخر يتقالوا وقتك فات؟ انا نفسي بس محسش اني freak ومنزلش كل يوم لوحدي زي المجنون، نفسي افكر فحد واقول اقدر انزل معاه او احكي معاه حتي لو جيت بليل عاوز ارزع دماغي فالحيطه من الوحده ومن قله الكلام بالشهور

في حل؟؟