2 saal se 2018 Crysta 2.8 ka replacement dhoond raha hoon, Hycross pasand nahi aayi. Any solid leaks on next-gen Fortuner?

Bhai, do saal se car upgrade dhoond raha hoon aur ab dimaag ka dahi ho chuka hai.

I currently drive an Innova Crysta 2.8 Diesel AT. Reliability top-notch, highway pe 120 pe bhi bullet train jaisi stability, and that 2.8 torque kick is just addictive.

Even after years, comfort is unmatched. But honestly, ek hi dashboard dekh dekh kar ab thoda bore ho gaya hoon, I genuinely want an upgrade.

Lekin problem yeh hai ki market me koi direct replacement hi nahi mil raha!

Log bolte hain Hycross le lo. Showroom gaya, test drive li. Look-wise and tech-wise it’s modern, ride bhi okay hai, but driving feel? Bhai, bilkul zero character. Woh 2.8 wala diesel punch, heavy steering, and instant pull missing hai. Thoda pedal press karo toh CVT ki aawaaz aati hai, gaadi aage baad me nikalti hai. Crysta ke samne it feels like a lightweight tin can.

Which basically leaves me waiting for the next-generation Fortuner.

Lekin Toyota waale kar kya rahe hain?! Har mahine YouTube aur auto video pe clickbait aata hai "Next-gen Fortuner spotted!", but ground reality pe Toyota bas purane model pe naya bumper, do sticker aur "Leader Edition" ka badge chipka ke 2-3 lakh badha deti hai. 50-55 lakh on-road deke woh 2016 wala basic interior lena digest nahi hota.

Toyota itna delay kar rahi hai ki ab lagta hai majboori me Sorento ya Jetour jaisi gaadiyon ki taraf dekhna padega—lekin unpe woh Toyota wala trust kahan se laaun ?

Koi dealer contact, Toyota insider ya kisi ke paas pakki khabar hai kya?

New Fortuner kab tak actually launch ho rahi hai?

Ya Hycross me kuch updates/tuning aane ke chances hain?