ايه نوع التنازلات اللي ممكن تقدموه لشخص نفسكوا تكملوا حياتكوا معاه

طبعا نوع التنازلات مختلف من شخص للتاني .. واحده مثلا عايزه تسكن ف مكان معين ولكن تتنازل لظروف الطرف التاني لأنها بتحبه

واحد يوافق يغير مكان شقته عشان الطرف التاني عايز يكون اقرب لأهله

اغلب التنازلات الماديه ممكن الناس تفكر فيها يعني

لكن سؤالي .. هل ممكن تقدموا تنازلات في قرارات اكبر؟؟ زي الخلفه مثلا؟؟ تكون مش موافق تخلف وتوافق عشان تفضل من الشخص ده .. او العكس تكون عايز تخلف بس الطرف التاني مش عايز ف تقرر انك تتنازل عن حلم الاطفال في مقابل تفضل مع الشخص التاني؟؟

لو قررت تتنازل ايه يمضنلك انك متغيرش رأيك ادام وتقرر تمشي عشان تحقق حلمك وايه اللي يضمن للطرف التاني انه يصدق انك غيرت رأيك فعلا وانك مش هتذله بالكلام ده ادام؟؟

(الكلام ده كله بعيدا عن نقطه انه لو هنقدم تنازلات يبقى اصلا الشخص ده مكانش مناسب عشان انا مش بقتنع بالنقطه دي ... مفيش شخص متفصل بالمقاس ولازم دايما هيبقي في تنازلات .. الفرق في حجم التنازلات ومدى رضى الطرفين بيها)