لي جوزو لباك ماجابوهش لخطرة لولة و عاودوه احرار كيفاش صراتلكم؟

جوزت الباك هاد العام و ماجبتوش ب قريب 9 شعبة رياضيات و ديسيديت نعاودو حر بارسكو عييت من السيستام تاع لمسيد و ما لقيتش راحتي فيه و كي نولي لدار نتمنى ما نشوفش درس زيادة و هاكا ما نقراش قاع ( علابالي بلي ماشي هاكاك يجيبو الباك بصح كرهت من لقراية ف ذيك البيريودة) . ضرك كي حبيت نعاودو حر العائلة رفضتلي الاسباب التالية :

- سمعوا بلي يحقروا فالتصحيح الاحرار و يعطو لهم علامات أقل (فهمتهم الاوراق تاعنا يتخلطو و ينحولهم المعلومات و الورقة كي تلحق للمصحح ما يعرفش تاع من و بابا عندو صاحبو يخدم فالإدارة قالو ثاني هاك أيا ما امنوش ثاني لقيت هنا فريديت لي قالو مكانش منها و داو خير كي عاودو احرار و لي عندو واحد من لافامي يصحح فالباك تان كذب هادي الشائعة)

-السبب الثاني فلمسيد راح نلقى اساتذة يعاونوني و يوجهوني ، أنا شخصيا ما نحبش كي يكون معايا استاذ و يساعدني و لعام لي فات ما ديتش هكا بزاف فايدة من عندهم.

-السبب الثالث يقولو راح نندم و نعيا فنص العام و نضيع و كابابل ما نكملش و انا نعارض هاد الرأي لاني عندي إرادة و موتيفاسيو كثر لوكان نجوز وحدى ولا لوكان نولي ،راني واعي بلي لبروقرام كبير و يعيي بصح باش تكملو ماشي من المستحيلات

كاين بزاف اسباب أخرى شخصية و عائلية لاكن هاذو الاهم ضوك ، انا باغي ندرس ب الريتم ديالي و واثق من الإمكانيات تاعي

لي جوزوه حر احكولي كيفاش جوزتوه و واش صرا معاكم و وين لقيتو رواحكم خير