هل اللي بيغير عليكي بيحبك؟

هتكلم عن موضوع الغيرة والتحكم اللي قد ينتج عنه.

اول حاجة الغيرة هي الحقيقة شعور طبيعي وبشري جدا يعني لو انت بتحب حد طبيعي تغير عليه.

ولكن هل لو الغيرة دي نتج عنها تحكم بتكون حب ولا تملك؟

موضوع انو راجل عشان ب 'يغير' عليكي يزعقلك أو يضغط عليكي عشان تغيري طريقة لبسك مثلا دا مش حب من وجهة نظري.

لان هو بهذه الطريقة بيفضل راحته على راحتك واستقلاليتك واختياراتك.

بمعني انتي لما بتلبسي اللبس الفلاني مثلا بتكوني مبسوطة بس هو بيتضايق رغم انو لبسك وطريقة تعبيرك هي حاجة تخصك بس احنا مش هنلومه على مشاعره برضوا، المهم هو فضل راحته النفسية على راحتك في حاجة تخصك انتي وإذا دي الي جانب أنه ابتزاز وتحكم هو كذلك أنانية لانو كل واحد بيبقي ليه حياة واحدة من حقه يعيشها باللي هو شايفه صح وباللي بيريحه مش باللي شخص تاني شايفه صح وبيريحه.

اذا ف إن كان هو ضغط عليكي عشان هو مش مرتاح ف إذا هو بيفضل راحته على راحتك في اللي انتي بتعمليه في حياتك انتي وفي النهاية اليوم حياتك تخصك.

واذا كان بيضغط عليكي سواء عشان مشاعره أو عشان نظرة المجتمع أو مبيتقالش عليه 'ديوث' لان احنا في مجتمع (بعض) الناس مقتنعين أنهم فعليا يقدرو يتحكمو في إنسانة تانية فبالتالي تصرفات الإنسانة دي تمسهم هم كمان، ففي نهاية الأمر انتي مش اولويته برضوا.