بدي نصيحة والنصيحة مش عيب انك تطلبها لو ممكن تساعدك

بدي نصيحة والنصيحة مش عيب انك تطلبها لو ممكن تساعدك

عرفت بنت من بلد ثاني واحنا اطفال وبنفس العمر وبعدها افترقنا حوالي 5 سنين وبطريقة ما لقت حسابي بالانستا بسبب لايك على ستوري قديمة عندها وضافتني وحكينا وبعد فترة رجعنا لبعض

انا عندي طريقة تفكير سوداوية وبعض المشاكل النفسية وكنت طول عمري متخيل اني رح اعيش وحيد وما توقعت الاقي شخص يتقبلني مثل ما انا لكن هي تقبلتني وصار بيننا تعلق قوي

بعد فترة دخل شخص من ماضيها وصار يهددها وتدخلت وساعدتها وكنت مستعد اختار الطرق الاصعب طالما انها اضمن لسلامتها وبعد ما خلص الموضوع انا انهكت كثير ونومي وحالتي النفسية خربوا ومن وقتها بدأت المشاكل بيننا تزيد

انا عندي مبادئ واضحة بالعلاقة مثل الغيرة وكره الكذب وهي كانت عارفة كل هذا من البداية وما جبرتها تكمل معي

لكن مع الوقت صار في تلاعب ومشاكل وكنت اكثر من مرة احاول ابعد عنها لكنها ما كانت تتركني وكل مرة احاول انهي العلاقة كانت تنهار وتهدد انها تسوي اشي بحالها وتوصل حتى لعيلتي وبالنهاية ارجع

المشكلة الحالية انها كذبت علي كثير وخانتني مرتين والخيانة مش علاقة مع شخص ثاني لكنها بالنسبة الي خيانة حتى لو غيري ممكن يشوفها اشي بسيط والاهم انها ضلت تكذب بالموضوع سنة كاملة

انا حاليا فقدت الثقة فيها وصار عندي نفور وعدم اهتمام ما كان موجود زمان ومع ذلك لسا بحبها

وهون المشكلة

انا قريب من التخرج وداخل على مرحلة صعبة وما بدي اضل مشغول بالقصة وفكرت اختفي فجأة لاني بعرف انها ما رح تتركني بحالي لو قلتلها اني بدي ابعد

لكن بنفس الوقت انا كنت شايفها مختلفة ومميزة وكنت مخطط بعد التخرج اسافر واطلبها رسمي وحتى اهلي كانوا يعرفوا عنها من كثر ما كنت احكي عنها

فانا عالق بين اني اعطيها فرصة جديدة وبين مبادئي وثقتي اللي انكسرت

هل الحب بستاهل فرصة جديدة حتى لو الثقة انكسرت اكثر من مرة

ولا اذا فقدت الثقة بالشخص الافضل تنهي حتى لو لسا بتحبه

وهل الاختفاء بحالتي حل ولا مجرد هروب من المشكلة

بدي رأي صريح حتى لو كان ضدي لاني فعلًا محتار وبدي اخلص من الموضوع