سبب تورم الركبة واحمرارها بعد التمرين

لي شهر واسبوع ونص اتمرن وبنفس الوقت اخذ جلسات علاج طبيعي لركبتي، الفائدة تكاد تكون صفر من العلاج الطبيعي الصراحة بس اجي تعطيني تمارين وتعيد وتزيد فيها وهي تشوفني

اكل بروتين كويس وسعراتي كويسة والاوزان اللي ارفعها خفيفة،
على كلام الدكتورة وانا برضو احس بهالشيء وهو ان عضلاتي ضعيفة وعشان كذا قررت اتمرن بجانب ان وزني مو عاجبني اصلًا ومن زمان أأجل لين أزمتني ركبتي

هالمدة كنت اتمرن عادي واموري طيبة، لكن هذي ثاني مرة اصحى من نومي بسبب ألم ركبتي ويكون هالشيء بعد اليوم السفلي، ركبة وحدة مو كلها، وكانت حمراء وحاااااارة
رجعت نمت ولما صحيت مافيه شيء

هل هذا شيء طبيعي لشخص مبتدئ ومو معتاد يتحرك ويتمرن كثير؟ ولا انا مسويه غلطة كبيرة؟

اخذ وقتي بالتمرين واتنفس كويس لان عندي فوبيا اصابات بس مدري شسالفة

*للأمانة امس زدت الوزن بالسفلي شوي من باب ان العدات صارت خفيفة عندي، وماعرف السبب اني زدت او التعود، لاني ابي ابني عضل عشان يساعد مفاصلي واخاف اني اضيع وقتي بالوزن الخفيف لانه مايبني شي؟