22M | بدور على صداقة عادية مع بنت عندنا اهتمامات مشتركة

أنا 22 سنة، متخرج حاسبات ومعلومات من كام شهر، ومجالي Data Analysis وناوي أكمل أكتر في الـData Science.

أنا مش داخل أدور على relationship حاليًا، ومش فكرة إني "مش بعرف أكلم بنات". ارتبطت قبل كده، بس اللي خدت بالي منه مؤخرًا إني تقريبًا عمري ما كان عندي بنت صاحبتي بشكل عادي فعلًا.

يعني واحدة نبقى أصحاب، نتكلم عن يومنا، نبعت لبعض memes وحاجات عشوائية، ناخد رأي بعض، ونتكلم عن games أو movies أو series أو شغل أو أي موضوع ييجي في دماغنا، من غير ما كل حاجة لازم تتحول لارتباط.

أنا بطبعي هادي شوية في الأول، بس لما باخد راحتي ببقى أريح في الكلام. بحب gaming جدًا، الأفلام والمسلسلات، anime، والـtech والـAI بحكم المجال.

حاليًا بتفرج على Lanterns وـinvested جدًا في عالم الـDCU الجديد وهو بيتبني، فلو حد بيتابع DC عمومًا أكيد هنلاقي كلام كتير عن الشخصيات والنظريات.

وبالنسبة للألعاب، بلعب دلوقتي Resident Evil 2 Remake لأول مرة بعد ما اتفرجت على الفيلم اللي لسا نازل، وآخر لعبتين كنت invested فيهم جدًا كانوا Hollow Knight و Silksong. فلو بتحبي games، خصوصًا الحاجات اللي فيها lore واستكشاف وتحليل، دي نقطة بداية ممتازة.

بالنسبة للشخص اللي بدور عليه، يفضل تكون قريبة من سني، وعندها اهتمامات أو فضول في حاجات زي games, movies, series, tech، أو أي حاجة بتحب تتكلم عنها بحماس.

مش مهم تكوني extrovert أو اجتماعية جدًا، بالعكس أنا بفضل الناس الهادية واللي الكلام معاهم بيبقى طبيعي ومش متصنع. ويهمني إن الحوار يكون two-way، يعني كل واحد فينا يكون مهتم يعرف التاني، مش مجرد ردود قصيرة وخلاص.

ولو من CS / Engineering / Data / Tech فده bonus لطيف عشان هيبقى عندنا أرض مشتركة من البداية، لكن مش شرط.

مش بدور على حد بمواصفات شكل معينة، ولا داخل أعمل interview، المهم يكون فيه راحة في الكلام وفضول متبادل.

ولو الموضوع وقف عند friendship فده أصلًا اللي أنا داخل عشانه. ولو مفيش chemistry حتى كصحاب، عادي جدًا، no hard feelings.

لو حاسة إن عندنا interests مشتركة أو ممكن نتفق، ابعتيلي وقوليلي مثلًا آخر game لعبتيها أو مسلسل/فيلم عجبك مؤخرًا بدل "hi" وخلاص، عشان يبقى عندنا حاجة نبدأ منها.