من تالي لاحظت ان فيه بوستات كثيره فيها عنصريه ضد جنسيات معينه و سب وقذف واستنقاص منهم ونشر هالمنشورات انا هاجه من تويتر عشان هالنوعيه من الناس تلحقوني هنا بعد!!! والله لاهي اللي بترفعكم عند الله ولا بتحط من خطيئاتكم بالعكس تضاعفها عليكم لانكم قاعدين تنشروا الفتنه بين الشعوب
و اذكركم بقول الله تعالى(والفتنة اشد من القتل)
وقول الرسول عليه الصلاه والسلام دعوها فإنها منتنه
وللتذكير فقط: القذف من كبائر الذنوب
قال الله تعالى :
﴿وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ ﴾
السلام عليكم لاحظت في نفسي اني كل ما اقترب شهر رمضان احس بالقلق منه والخوف و دايما مشاعري تكون سلبيه تجاهه لكن اول ما اسمع انه غدا او بعد غد تنتابني مشاعر فرحه وسرور وروحانيه قويه جدا الى ان ينتهي الشهر الفضيل ما اعرف ليه
السلام عليكم في وقتنا الحالي لاحظت ان اغلب العلاقات اذا ماكانت كلها مبنيه على مصالح شخصيه او ماديه لذلك ارتفعت نسبه الطلاق
و قل الترابط الاسري والمجتمعي بين الناس لان الرجل يوم يقرر يتزوج يكون يبي تكون "خادمه مطيعه له" وهي تبيه يكون " صرافه متحركه لها" او حتى بين الاصدقاء تكون العلاقه بينهم مبنيه على مصلحه ماديه بحته وانا للاسف حصل لي شخصياً موقف استغلال من قبل صديقه عرفتها عن طريق السوشيال ميديا
دمرني هالموقف جداً وللان انا متخوفه اتخذ صديقات جدد لهالسبب
نصيحتي : فر فرار المجذوم من اي شخص تلمح او تشك في شخص يحاول يكون علاقه مبنيه على مصلحه ماديه معك لانهم اخس خلق الله بارضه و شكرا
من تالي لاحظت كثره الالحاد وخاصه عند حقين تويتر ويوصل البعض منهم لدرجه التطاول على الذات الالهيه(تعالى الله وتقدس) وقذف البنات بسبب وبدون سبب والدخول باعراضهم والمجاهره بالمعاصي وبالميول الشاذه وتلقون عندهم متابعين بالاف وللاسف اغلبهم اطفال ولا مراهقين ويتاثرون بافكاره المنحرفه
السوال هنا وش الاسباب اللي توصل الانسان لهالمرحله؟
مؤخرا شفت كذا شخص يتذمروا من العطاء اللامردود له لانه من وجهه نظرهم مايعود عليهم بالمردود اللي هم يتصورونه بغض النظر عن ماهيه الشخص المعطى له سواء كان والد او زوج او صاحب ... الخ منذ متى كان الشخص المُحِب ينتظر مردود من الشخص الذي يُعطيه سواء كان العطاء مادي او معنوي ان لم يكن عطاءك للشخص اللي انت تعطيه من محبه ونابع من اخاديد قلبك فلا تعطي بتاتاً لان عطاءك له من عدمه وانتظارك مردود من وجهه نظري انت لاتستحقه لانك كمن يحاول شراء سلعه غاليه الثمن بسعر منخفض
لذلك اذا اعطيت بغرض الاخذ ضع بعين الاعتبار ان المردود لن يرضيك ابداً وشكراً
