MBTQ

السلام عليكم يالربع، كم هامش السرعة في راس الخيمة؟ مب 20 نفس باقي الامارات؟ لانه مب طبيعي اني كل مرة اسير راس الخيمة تييني مخالفات تكسر ظهري. يعين انا والله حريص اني ما اتعدا السرعة وادور اللوحات في الشارع كاني اراكض ورا حد مسلفنه ومع ذلك تييني مخالفات، يعني الوضع صعب والله، وحرام والله العظيم تعور انه المخالفات تبدا من 700 وطالع، ياريت تعطوني نصايحكم وتساعدوني اذا عندكم معلومة مفيدة. ورجاءً لحد يجي يقول لا تسرع لاني انا اثبت السرعة على السرعة المحددة وما ازيد لين اوصل وجهتي، يعني افيدوني وافيدوا غيري اللي يعاني من نفس المشكلة وجزاكم الله خير

السلام عليكم اخواني القراء، مؤخراً سرت دبي وزرت مكتبة محمد بن راشد وانبهرت ما شاء الله فيها، في اماكن الجلوس والقراءة وطاولات الدراسة اذا كنتوا مجموعات والاماكن الخاصة للاجتماعات والكبسولات الانفرادية، يعني ترتيب جميل جداً بصراحة، وهذا الجانب ما شاء الله الترتيب مبدعين فيه في دبي والشارجة. بيت الحكمة في الشارجة بعد شي فاخر من الآخر. سؤالي هو هل عندنا شي نفس جي في ابوظبي؟ انا اعرف مكتبة الباهية ومكتبة الوثبة ومكتبة منتزه خليفة، بس هل فيه مكتبة مركزية عندنا يعني تقدر تقول مرجع؟ وبشكل عام سواءً المكتبات اللي ذكرتهم او غيرهم اي وحدة ترتاحون فيها اكثر وشو الاسباب؟ واذا عندكم مكتبات ما اعرف عنها ياريت تخبروني سواءً في ابوظبي او العين بما اني كثير الزيارات للعين وشكراً اعزائي 😊

Hi everyone, I am coming over for a conference in DWTC, and I know parking there is expensive, are there any near places that have free parking for a full day? It’s okay if it is one or two metro stations away, or is RTA parking a good option and is there any of them close by?

السلام عليكم اخواني، الليلة ليلة 29، احتمال ليلة باجر تكون ليلة العيد، سبحان الله خلص بسرعة ما حسينا فيه والله. موضوع اليوم محتاجينه بشكل مهم وايد عشان نستمر باننا نتحسن واننا نكمل ان شاء الله على الطريق الصحيح. طبعاً من الصعب جداً اننا نكمل على نفس الوتيرة بنفس كمية الصلاة بنفس كمية قراءة القرآن بنفس كمية العبادات بشكل في غير رمضان، لو كان هذا الشي ممكن كان الله سبحانه وتعالى بيخلي كل السنة رمضان، بس من رحمته خلاها شهر واحد بس. الحمدلله كلنا قمنا نصلي اكثر نخشع اكثر نقرا اكثر في رمضان وهذا ممتاز، لكن الاهم من هذا انك تستمر عقب رمضان بالعادات الجميلة هذي. ليش توقف ياخي؟ انت تعبت عشان تبني هالعادات، تعبت عشان توصل لهالمرحلة الايمانية ليش تهد هالبنيان اللي بنيته؟ حرام عليك التعب هذا يروح كله ع