Own_Insurance_6407

السلام عليكم،

الموظفين الحكوميين شلون تتعاملون مع مسؤول عنصري و طائفي في بيئة عمل سامة؟ النقل صعب جدا و الاستقالة للاسف مو سهلة، عنصرية المسؤول و طايفيته وصلت حتى للظلم في التقييم و مع الاسف اغلبية الدوام من نفس فئته فيعززون له، و فوق هذا الدوام بعيد فماكو اي سبب للبقاء

شنو احسن شركة وجبات للتضخيم و تكون الmacros محسوبة عدل من ناحية البروتين و الكارب و اهم شيء الاكل نظيف و لذيذ (ادري المعادلة هذي كلها صعبة) 😂😂 و هل اساسا تنصحون بالشركات ولا بس التزم اكل بيت

السلام عليكم

يمكن تقولون اني ابالغ او شيء بس هل انا الوحيد الي انغث من سالفة الي اذا راحوا قهوة يطلبون يصورون العامل وهو شايل قهوتهم 😅** كل ما طلعت مع احد و شفته يسويها يحوشني second hand embarrassment** حتى** لو يستاذنون من العامل ليش قاعدين تاخذون ناس ما تعرفونهم محتوى حق ستريكاتكم واهما قاعدين **يشتغلون

السلام عليكم

صارلي فترة طويلة بالنادي و قاعد الاحظ الاوزان الي اشيلها بسهولة باليمين تصير ثقيلة باليسار بكل العضلات سواء كانت صدر، تراي باي، ظهر، هل يمكن لاني اساسا اكتب و اشيل و ابوي اموري اليومية بايدي اليمين بطبيعة الحال؟

السلام عليكم

قاعدة توصلني اشعارات عمليات سحب بحسابي "مشتريات بمبلغ … سيتم تحصيل المبلغ لاحقا"
تواصلت مع بنك بوبيان قالوا لي ان العملية من اوبر و اوبر ايتس وانا ما استعملهم اساسا الا بالسفر و ان وحدة من العمليات اشتراك Uber one وانا اساسا مو مشترك فيه،
قاعد اتواصل مع اوبر بس معقدين وما عندهم رقم للتواصل اساسا 🙂

عندي موضوع ما اقدر اتكلم عنه بالعام، و من كثر الاحراج ماني قادر اشاركه مع ناس اعرفهم شخصياً،
ودي اشارك الموضوع مع احد الي يبي يعرف السالفة يدش خاص (شباب فقط)، و من الحين اقول ان الموضوع محرج جداً لكن قاعد اعاني منه، ولو تعرف الموضوع بتقول ما عندي سالفة واني شخص تافه، لكنه فعلا مأزمني

الي مقدمين عالاعلان شلون قاعدين تدرسون حق امتحان التخصص
دشيت معاهد ما استفدت الا من الملخصات وبس يحلون اسالة قديمة على اساس انها بتكرر و شرح بسيط و سريع يالله تفهم

قاعد ادرس مع جات بي تي و الصج مو مقصر و مطول باله معاي

حتى لو كان شي تافه او مادي، انا شخصياً** بالنسبة لي سيارتي الجديدة مع انها موجودة عند ناس واجد وماهي من السيارات اللاكجري بس حطيت فيها مبلغ تعبت عليه و كل ما تضايقت اتذكر ان عندي ياها و اعتبرها انجاز بحياتي و استانس والله احبها حي**ل 💔

اشوف شكثر طالعة لي بالتك توك انها تهدي الاعصاب و تريح البال و في ناس قالوا تسبب تبلد بالمشاعر و تصير جنك جماد ما عندك مشاعر

الي جربوها عطونا رايكم و هل تنصحون فيها و شفتوا منها اثار جانبية؟

صباح الخير

انا امي مو كويتية و صار لها فترة تقترح اني اتزوج من بنات خوالي وانا للامانة ضد فكرة زواج الاقارب لاسباب صحية و قناعة شخصية، غير ان لو بتزوج مو كويتية صعب انها تتوظف بالكويت و تشيل نفسها،

فكل ما اقول لها اني ما ابي تقول لي انها ما تعرف بنات بالكويت من جيلي و انهم يكونون من "مواخيذنا" مادري اذا كتبتها عدل،

هل الحل الوحيد اني اتعرف سواء بالدوام او بشكل عام و اتزوج عن **حب

السلام عليكم

ابي اسوي ليزر حق ريولي و ما عمري سويت ليزر فبغيت اعرف شنو افضل عيادة و اسعارها زينة

و شلون الوضع هل جلسة وحدة بس ولا لازم اقعد ٣ شهور اراجع

السلام عليكم

معاكم مهندس يداوم بادارة يكاد لا يوجد فيها شغل، ولمن اروح اي مراجعة حكومية و اشوف الضغط و الشغل على هالاداريين و الي يخلصون المعاملات افخر فيهم،

هذيلا ناس معاشاتهم اعتقد ما تصك ال١٠٠٠ دينار لكن شغلهم اضعاف شغل الوظايف الثانية، يتعاملون مع ناس اشكال و الوان على الصعيد اليومي، يجيهم كلام و يغلط بحقهم و رغم ذلك مستمرين،

انتوا الجنود المخفيين و خط الدفاع الاول في معركة البيروقراطية الحكومية، **اح

السلام عليكم

تعبت وانا كل ما اسوي سي في الوظايف يعطوني ملاحظات بشق هدومي ما يعجبهم العجب مرة الخط مو واضح مرة المؤهلات بالسي في ما تناسب الوظيفة مرة المسافات كبيرة

ابي افضل مكتب او موقع بالكويت (يفضل مكتب عشان يصير الوضع فيس تو فيس و اكفخه اذا ما ضبطه)
في اي مواقع و AI بس بعض الصهاينة بالموارد البشرية يعرفون يصيدون انه هذا شغل AI

ياما سويته بنفسي وادري محد يعرف الواحد كثر نفسه بس هالناس **ما

السلام عليكم

اختي معدلها مع الاختبار الوطني **٧١٪**؜ علمي وانا على ايامي ما كان في اختبار وطني فماني عارف شلون الحسبة تصير و شنو نسب القبول سواء بجامعة الكويت او بعثة داخلية
ادري ان النسبة هذي مو شيء بس انا قاعد احاتي ان ما تدخلها شيء وماكو مكان يقبلها اذا تعرفون او عندكم علم ساعدوني

معدلها التراكمي **٨٠٪**؜

السلام عليكم،

طبعا ندري ان الله سبحانه و تعالى ما حلل شي الا لحكمة يمكن ندركها او ما ندركها، لكن مرات يدور ببالي و بغيت اعرف اذا واحد بيخطب و طلب نظرة شرعية و بعدين غير رايه هل يحز بخاطركم او تشكون بشكلكم؟ مادري اذا اساسا النظرة الشرعية شي دارج بمجتمعنا لكن احساسي ان لو انا طلبت و بالاخير ما عجبني شكلها راح يكون موقف غريب اني ارفض و الاكيد التبرير بيكون ماكو نصيب