ملاحظة شخصية كلاعب قديم للعبة فيفا (Fifa/Eafc)

يعني كلاعب سابق متواجد في دولة فلسطين انا انتبهت انه كل سنة لعبة فيفا بتضيف منتخبات أقل تصنيفًا، أضعف أداءً، وأقل جماهيرية… بس لما نوصل لفلسطين؟ فجأة اللعبة بتنسى إنها دولة عضو رسمي في الفيفا وبتشارك في تصفيات كأس آسيا وكأس العالم. "مش متوفرة البيانات؟" كذبة قديمة. كل سنة بتكون عندكم بيانات للاعبين "صهاينة" تحت مسمى اسرائيليين من أندية ما حدا سامع فيها، وبتدخلوا منتخبات مثل الهند ونيوزيلندا… بس فلسطين لأ؟ شو السبب الحقيقي؟ إهمال؟ عنصرية؟ ولا سياسة واضحة إنكم تمسحوا الهوية الفلسطينية حتى في الألعاب؟ فلسطين إلها جمهور، لاعبين، وتاريخ. واللي بزعج أكتر، إنكم بتخلو الاحتلال ممثل بكل راحة، وكأن القضية مش موجودة. إذا اللعبة "تحاكي الواقع الكروي"، فليش عم تتجاهل واقع ملايين الناس؟ هذا مش مجرد نقص… هذا انحياز مقصود و واضح لازم تتحاسب عليه الشركة كوجهة نظر مني...