دول كتير بقت عندها هوية بصرية واضحة، من عملتها لحد أي أصل رقمي أو تصميم بيصدر منها. زي مثلًا السعودية اللي ماشية ببروتوكول معين في تصاميمها ومواقعها، ومؤخرًا سوريا بدأت تدخل في الاتجاه ده برضو

وراء كل ده فيه عقول مبدعة – من ضمنها مصريين – قادرين يسيبوا بصمة حقيقية. فليه مانفكرش نبدأ احنا كمان؟

طيب، ده هيفيد في إيه؟ ببساطة، مصر أصلًا بلد سياحية، اللي يعرفها أو حتى لسه مايعرفهاش بيكون عنده فضول تجاهها. فلو كان فيه هوية بصرية متكاملة – من بوسترات، تصاميم، وشكل موحد بيمثل البلد – ده هيخلي صورة مصر أوضح وأجمل في عيون الناس

كمان ده ينعكس على المصري نفسه، يخليه يحس بالفخر ويشوف صورة إيجابية عن بلده، وده يفتح أبواب أكبر للترويج السياحي والثقافي وحتى لرموز زي العملة اللي تقدر تبقى معروفة أكتر

في النهاية، إنتم كديزاينرز فاهمين قد إيه البراندنج بيفرق. وأي كيان من غير هوية واضحة صعب يبان أو يتواصل مع العالم. فالسؤال: إمتى ييجي الدور إن مصر تعبر عن نفسها بشكل يليق بيها

وانا ك عبدالمعطي دوري من هنا اني اساعد اي تصميم من هنا يوصل للعالم واستعمل المهارات بتاعتي اللي هي البرمجة في اني اوصل تصاميمكم. مستني ايه؟

امتى مصر يبقى ليها هوية بصرية؟