پۆلیسی گەرمیان ئاشکرای دەکات لەماوەی ساڵێکدا دەستیان بەسەر ١٠٢ چەکی بێمۆڵەتدا گرتوە، ئەو کەسانەشی چەکەکانیان پێیە بە پێبژاردن و بەندکردن سزا دەدرێن.

سۆران حەمە غەریب، وتەبێژی بەڕێوبەرایەتی پۆلیسی گەرمیان، بە رادیۆی دەنگی راگەیاند: لە رێکەوتی ١ـی٧ـی ٢٠٢٥ـەوە تا ١ـی ٧ـی ٢٠٢٦، لەگەرمیان دەستگیراوە بەسەر ١٠٢ چەكی جۆراوجۆری بێ مۆڵەتدا كە لە روداو و تاوانی جۆراوجۆردا دەستیان بەسەرداگیراوە.

وتیشی: بە فەرمانی دادوەر هەمو ئەو چەکانە گلدەدرێنەوە و سزای ئەو کەسانەش دەدرێت کە پێیان بوە.

دەربارەی جۆری سزاکەش، وتەبێژی پۆلیسی گەرمیان رونیکردەوە: بەپێی یاسا بە بەندکردن لە یەك ساڵەوە تا نزیكەی ٧ ساڵ، یاخود پێبژاردن لە دو ملیۆن دینارەوە تا ٥ ملیۆن دینار، بەپێی جۆری تاوانەکان لەلایەن دادگاوە سزا دەدرێن.

پۆلیسی گەرمیان: لەماوەی ساڵێكدا دەستگیراوە بەسەر ١٠٢ چەكی بێمۆڵەتدا