Wohnigssuechi als Family

Hallo mitenand

Vilicht weis ja öpper vo eu wie mer am beste vorgaht oder hett allgemein ein Tipp.

Mir wohnet momentan innere 3.5 Zi Wohnig inem altbau i sehr schlechtem Zuestand. Klar hend en Garte aber das nützt der au nüt wennd die ganz Chuchi usenandflügt und alles musch selber mache. Klar zahlemer wükli wennig Miete aber hend defür au kein Standard.

Sind bereits locker 5 Jahre am suche. Mal meh mal weniger. Aber wükli öpis ergeh hets sich nöt. Die Wohnige wo under de Hand weg gönd, zu dene chunsch nid und alli neue sind eifach wükli unverschämt tür sodass eigentli nur us prestige dete drin wohnisch und dich selber dusch defür opfere zums der chöne leiste. Meine klar, wennd ellei scho 11k mit hei bringsch den ja, chaschs der leiste aber sust wirds schwierig.

Klar spielt au drin ine dasi euses Chind ned wot us de Schuel neh, aber für e cooli bezahlbari Wohnig, mösstis mer den scho überlegge.

Bsp. Kollegin het innere Gnosseschaft es chlises Reihehuss becho und zahlt unter 2000 Franke mieti. Isch aber under de Hand gange.

Jo ha denkt i meld mi mal da ine. Vilicht hett öpper vo eu na e Idee.